Hemmi barði af sér fimm landsliðsfélaga

Það þarf greinilega meira en fimm fílhrausta karlmenn til að yfirbuga landsliðsfyrirliðann Hermann Hreiðarsson.

Hermann var í viðtali hjá Arnari Björnssyni á Kýpur þegar að skyndilega koma fimm félagar hans úr landsliðinu og ætla greinilega að reyna að henda honum út í sundlaug.

Það tekst þeim ekki því að Hermann nær að berja þá frá sér. Atvikið allt er hið skoplegasta og má sjá í myndbandinu hér fyrir ofan.

Ísland mætir Kýpur ytra í undankeppni EM 2012 á morgun.