Lögreglustjórinn í Detroit vill stöðva ferðir nektarstrætósins

Einhverjir frumlegir viðskiptamenn í Detroit hafa sett upp nektardansstað í strætisvagni sem þeir mæta síðan með á leiki Detroit Lions í NFL-deildinni.

Strætóinn, sem kallast The Booty Lounge, kemur reglulega við á Ford Field, þar sem Lions spilar, á leikdögum og tekur áhugasama í stuttan hring í kringum svæðið.

Lögreglustjórinn í Detroit er æfur yfir þessu hátterni og ætlar að stöðva allar ferðir nektarstrætósins.

"Þetta er augljóslega ólögleg starfsemi og mér misbýður þessi hegðun. Það er fjölskyldufólk í meirihluta fyrir utan Ford Field og þessir viðburðir þurfa að vera fjölskylduvænir," sagði lögreglustjórinn reiður.

Tveir starfsmenn lögreglunnar í Detroit eru síðan í vondum málum eftir að þeir létu mynda sig á vafasaman hátt með dönsurum strætósins.