Haye bíður eftir Vitali

Það er ekki langt síðan Bretinn David Haye lagði hanskana á hilluna. Þeir virðast þó ekki vera límdir á hana því Haye er þegar farinn að íhuga að taka þá aftur fram úr hillunni.

Það mun hann þó eingöngu gerast ef hann fær tækifæri til þess að keppa við annan hvorn Klitschko-bróðurinn.

"Þegar ég hætti sagði ég að eina leiðin til þess að snúa mér væri sú að ég fengi bardaga við Vitali eða Wladimir Klitschko," sagði Haye sem tapaði fyrir Wladimir í sínum síðasta bardaga.

"Við erum að ræða við Vitali en hann á að keppa í febrúar. Ef við myndum berjast þá yrði það ekki fyrr en næsta sumar," sagði Haye.

"Okkur er ætlað að berjast og ég trúi því að við munum berjast. Ég mun því halda mér í formi og æfa vel. Ég verð því í góðu standi þegar kemur að bardaganum. Ég er vel til í að  bíða lengi eftir tækifærinu.

"Auðvitað væri ég að ljúga að aðdáendum mínum ef ég myndi keppa aftur þar sem ég sagðist vera hættur. Ég veit samt að þeir vilja sjá mig vinna annan hvorn þeirra."