Kveikti í sér fyrir utan dómshúsið í Osló

Maður kveikti í sjálfum sér fyrir utan dómshúsið í Osló í morgun þar sem réttarhöldin yfir fjöldamorðingjanum Anders Behring Breivik fara fram.

Samkvæmt norskum fréttamiðlum voru starfsmenn dómshússins og lögreglumenn snöggir að slökkva eldinn.

Ekki er vitað hvort að maðurinn er í lífshættu en hann var fluttur á sjúkrahús með brunasár.

Talið er að maðurinn hafi hellt eldfimum vökva yfir sig áður en hann kveikti í sér.

Réttarhöldin yfir Breivik hófust fyrir nokkrum vikum en hann er sakaður um að hafa myrt 77 manns í sprengingu í stjórnarráðshverfinu í Osló og í Útey.