Mayweather þarf að greiða Pacquiao bætur

Hnefaleikakappanum Floyd Mayweather Jr. hefur verið skipað að greiða kollega sínum Manny Pacquiao 14 milljónir króna þar sem hann mætti ekki til vitnaleiðslu í skaðabótamáli sem Pacquiao höfðaði gegn Mayweather.

Mayweather sakaði Pacquiao um notun ólöglegra lyfa og það sætti Pacquiao sig afar illa við. Þegar reynt var að fá Mayweather til að gefa skýrslu mætti hann aldrei.

Hann sagðist alltaf vera of upptekinn við æfingar. Einkaspæjarar á vegum Pacquiao tóku aftur á móti myndir af Mayweather á þessum dögum þar sem hann var að skemmta sér og hella kampavíni í glös félaga sinna.

Fyrir þessa óhlýðni þarf hann að greiða Pacquiao milljónirnar fjórtán.