Dagar elsta banka Sviss eru taldir

Dagar Wegelin bankans, elsta banka Sviss, eru taldir en bankinn hættir starfsemi sinni um leið og hann hefur gengið frá greiðslu sektar upp á tæplega 60 milljónir dollara í Bandaríkjunum.

Sektin er hluti af dómssátt en yfirmenn bankans hafa játað fyrir bandarísku dómstóli að hafa aðstoðað yfir 100 Bandaríkjamenn við skattsvik með því að geyma 1,2 milljarða dollara fyrir þá á leynireikningum á 10 ára tímabili.

Wegelin bankinn, sem stofnaður var árið 1741, er fyrsti erlendi bankinn sem játar sig sekan um skattsvik í Bandaríkjunum.