Ingólfur á leið í KV

Ingólfur Sigurðsson verður líklega lánaður í 2. deildarlið KV, að sögn Magnúsar Gylfasonar þjálfara Vals.

Magnús segir þetta við Fótbolti.net í dag. Ingólfur hefur bæði leikið með KR og Val á ferlinum, sem og í Hollandi og Danmörku.

Ingólfur er tvítugur og var hjá Lyngby í Danmörku þangað til að hann kom til Vals í vetur. Magnús segir að hann þurfi meiri leikæfingu áður en hann geti spilað með Val.

Valsmenn lánuðu einnig Sigurð Egil Lárusson í Víking, hans gamla félag, en Sigurður Egill var lengi vel meiddur í vetur.

Báðir leikmenn hafa spilað með yngri landsliðum Íslands.