Kynna bardagann í ellefu borgum

Það er enn langt í bardaga Floyd Mayweather Jr. og Saul Alvarez. Það aftrar köppunum þó ekki frá því að byrja að auglýsa hann en þeir munu gera það í ellefu borgum. Bardaginn sjálfur fer fram 14. september.

Kynningarherferðin hófst í New York þar sem þeir tóku störukeppni í heila mínútu. Hafði fólkið mjög gaman af því.

Hinn 36 ára gamli Mayweather hefur ekki tapaði bardaga á 15 ára ferli. Alvarez er 14 árum yngri en hefur keppt álíka mikið.

Mayweather á 44 bardaga en Alvarez 43. Alvarez hefur aldrei tapað en hann byrjaði að keppa aðeins 15 ára gamall.

Þarna mætast nýji og gamli tíminn og hafa einhverjir trú á því að Mayweather muni loksins tapa.