Umfjöllun, viðtöl og myndir: Breiðablik - Santa Coloma 4-0 Guðmundur Marinó Ingvarsson á Kópavogsvelli skrifar 4. júlí 2013 11:25 Mynd/Vilhelm Breiðablik átti ekki í miklum vandræðum með Santa Coloma frá Andorra í fyrri leik liðanna í 1. umferð forkeppni Evrópudeildarinnar í kvöld. Breiðablik vann 4-0 eftir að hafa verið 3-0 yfir í hálfleik. Vilhelm Gunnarsson, ljósmyndari Vísis og Fréttablaðsins, mætti á Kópavogsvöllinn í kvöld og tók myndirnar hér fyrir ofan. Breiðablik gerði í raun út um leikinn með þremur mörkum á sex mínútna kafla um miðbik fyrri hálfleiks og var eftirleikurinn í raun auðveldur og hefði liðið auðveldlega getað unnið enn stærri sigur. Lið Santa Coloma veitti Breiðabliki litla mótspyrnu og áttu heimamenn í litlum vandræðum með að opna vörn þeirra. Sóknarlega olli Santa Coloma Breiðabliki engum vandræðum og sköpuðu sér ekki færi fyrr en dæmt var mark af liðinu vegna rangstöðu á 81. mínútu. Breiðablik skapaði sér ekki mörg færi í seinni hálfleik og sótti ekki af sama krafti og í fyrri hálfleik og virtist sem leikmenn væru að passa sig á að fara ekki í tvísýnar tæklingar til að forðast það að meiðast í leik þar sem úrslitin voru fyrir löngu ráðin. Ólafur: Bjóst við þeim sterkari„Mér fannst þetta vera öruggur og sannfærandi. Það er gott að halda hreinu og fínt að skora þessi fjögur mörk,“ sagði Ólafur Kristjánsson þjálfari Breiðabliks. „Ég hefði viljað skora fleiri mörk en það er ekki hægt að fá allt og ég er sáttur við það hvernig við tækluðum þennan leik. „Ég bjóst við þeim sterkari. Þeir höfðu engu að tapa eftir að við skoruðum þessi þrjú mörk í fyrri hálfleik og þá fannst mér þeir færa sig framar. Þá hefði ég viljað að við værum aðeins grimmari að ráðast á þá en það var auðveldara en ég átti von á að fara í gegnum þá og það helgast að því að það er langt síðan þeir spiluðu leik og leikæfingin ekki mikil. „Strákarnir spiluðu vel og héldu hreinu og það er jákvætt að skora þrjú mörk á sex mínútum. Eru íslensk félög að kvarta yfir því að vinna 4-0 í Evrópukeppni. Þá erum við að klofa mjög langt. Mér fannst menn líka passa sig að fara ekki í návígi sem gætu kostað meiðsl og annað því þeir voru orðnir pirraðir í restina,“ sagði Ólafur sem vildi ekkert gefa upp um hvort hann myndi hvíla lykilmenn í seinni leiknum. „Allir ellefu sem byrja inn á fá ekki að hvíla. Við förum með sterkt lið og tökum verkefnið alvarlega.“ Ellert: Förum ekki út í einhverja menningarferð„Ég er mjög sáttur að halda hreinu og fara út með fjögur mörk. Það verður að teljast gott,“ sagði Ellert Hreinsson sem skoraði tvö mörk í dag. „Við höfðum ekki hugmynd hverju við værum að fara mæta fyrir utan að þeir heita FC Santa Coloma. Við höfðum ekki miklar upplýsingar um þá. „Það var frábært að ná þessum mörkum snemma í leiknum því við vissum að þeir myndu liggja til baka og keyra með skyndisóknum á okkur. Við vissum að þetta gæti verið þolinmæðisverk. Því var frábært að brjóta þá á bak aftur og ná þessum mökrum snemma,“ sagði Ellert sem reyndi að ná þrennunni með skoti frá miðju skömmu eftir að hann skoraði sitt annað mark. „Ég sá að hann stóð framarlega en skotið var ekkert sérstakt,“ sagði Ellert sem fékk einnig að líta gula spjaldið í leiknum við litla hrifningu þjálfarans Ólafs Kristjánssonar. „Óli var ekkert sérstaklega ánægður. Ég splæsi ekki oft í einhverjar tæklingar en ákvað að gera það í fyrri hálfleik úti í horni. Hann gaf mér hýrt auga. „Við vanmetum ekki andstæðinginn og förum í seinni leikinn með fulla einbeitingu. Við erum ekki að fara þarna út í einhverja menningarferð,“ sagði Ellert. Evrópudeild UEFA Mest lesið Sendi sónarmynd: Tvö ákærð eftir fjárkúgun gamallar kærustu Enski boltinn Kláraði læknisfræði og keppti á HM í sömu viku Sport Harma ljót orð í Dalnum og lofa bættri gæslu Íslenski boltinn Orri lofar næstu stjörnu Arsenal: „Frábær strákur með fæturna fyrir neðan jörðina“ Fótbolti Vilja tæpa tólf milljarða fyrir Garnacho Enski boltinn Kraftaverkamaðurinn Gunnar Már sem þjálfarinn kallar Jesús Körfubolti Ósáttur Lárus Orri: „Sýnum smá ástríðu líka“ Fótbolti Liverpool að landa dýrasta leikmanni í sögu deildarinnar Enski boltinn „Einvígi sem hefur verið magnað að taka þátt í“ Handbolti Arftaki hins titlaóða Carsons fundinn Enski boltinn Fleiri fréttir Leiðinlegir og slappir: Heimir fékk afmæliskort en enga veislu Liverpool að landa dýrasta leikmanni í sögu deildarinnar City staðfestir kaupin á Reijnders Sendi sónarmynd: Tvö ákærð eftir fjárkúgun gamallar kærustu Orri lofar næstu stjörnu Arsenal: „Frábær strákur með fæturna fyrir neðan jörðina“ Harma ljót orð í Dalnum og lofa bættri gæslu Vilja tæpa tólf milljarða fyrir Garnacho Arftaki hins titlaóða Carsons fundinn Ósáttur Lárus Orri: „Sýnum smá ástríðu líka“ „Barnaskapur sem á ekki alveg við“ Senegal lagði England í Nottingham „Ég hata að tapa“ Hollendingar skoruðu átta „Heimurinn er ekkert að farast þó við höfum tapað“ Man City staðfestir kaupin á Cherki Forest vill niðurstöðu í mál Palace Uppgjörið: Norður-Írland - Ísland 1-0 | Bragðdauft í Belfast Byrjunarlið Íslands: Arnar gerir fimm breytingar Man City ræður annan úr teymi Klopp hjá Liverpool Chelsea vill Gittens áður en glugginn lokar Aftur Bellingham í Dortmund eftir metsölu „Eftir að Real Madrid hringdi hugsaði ég ekki um neitt annað lið“ Jonny Evans heiðraður fyrir landsleik kvöldsins Orri berst við fyrirliðann um stöðu: „Góðir vinir og reynum að hjálpast að“ Þjálfari Þóris rekinn þrátt fyrir að bjarga liðinu Gerðu vúdúdúkku vegna reiði í garð Ísaks Allt klárt og Frank verður næsti stjóri Tottenham „Við erum fastir í einhverri dýflissu“ Þvert nei við umsókn Grænlands Segir ástandið í Los Angeles „ekki eðlilegt“ Sjá meira
Breiðablik átti ekki í miklum vandræðum með Santa Coloma frá Andorra í fyrri leik liðanna í 1. umferð forkeppni Evrópudeildarinnar í kvöld. Breiðablik vann 4-0 eftir að hafa verið 3-0 yfir í hálfleik. Vilhelm Gunnarsson, ljósmyndari Vísis og Fréttablaðsins, mætti á Kópavogsvöllinn í kvöld og tók myndirnar hér fyrir ofan. Breiðablik gerði í raun út um leikinn með þremur mörkum á sex mínútna kafla um miðbik fyrri hálfleiks og var eftirleikurinn í raun auðveldur og hefði liðið auðveldlega getað unnið enn stærri sigur. Lið Santa Coloma veitti Breiðabliki litla mótspyrnu og áttu heimamenn í litlum vandræðum með að opna vörn þeirra. Sóknarlega olli Santa Coloma Breiðabliki engum vandræðum og sköpuðu sér ekki færi fyrr en dæmt var mark af liðinu vegna rangstöðu á 81. mínútu. Breiðablik skapaði sér ekki mörg færi í seinni hálfleik og sótti ekki af sama krafti og í fyrri hálfleik og virtist sem leikmenn væru að passa sig á að fara ekki í tvísýnar tæklingar til að forðast það að meiðast í leik þar sem úrslitin voru fyrir löngu ráðin. Ólafur: Bjóst við þeim sterkari„Mér fannst þetta vera öruggur og sannfærandi. Það er gott að halda hreinu og fínt að skora þessi fjögur mörk,“ sagði Ólafur Kristjánsson þjálfari Breiðabliks. „Ég hefði viljað skora fleiri mörk en það er ekki hægt að fá allt og ég er sáttur við það hvernig við tækluðum þennan leik. „Ég bjóst við þeim sterkari. Þeir höfðu engu að tapa eftir að við skoruðum þessi þrjú mörk í fyrri hálfleik og þá fannst mér þeir færa sig framar. Þá hefði ég viljað að við værum aðeins grimmari að ráðast á þá en það var auðveldara en ég átti von á að fara í gegnum þá og það helgast að því að það er langt síðan þeir spiluðu leik og leikæfingin ekki mikil. „Strákarnir spiluðu vel og héldu hreinu og það er jákvætt að skora þrjú mörk á sex mínútum. Eru íslensk félög að kvarta yfir því að vinna 4-0 í Evrópukeppni. Þá erum við að klofa mjög langt. Mér fannst menn líka passa sig að fara ekki í návígi sem gætu kostað meiðsl og annað því þeir voru orðnir pirraðir í restina,“ sagði Ólafur sem vildi ekkert gefa upp um hvort hann myndi hvíla lykilmenn í seinni leiknum. „Allir ellefu sem byrja inn á fá ekki að hvíla. Við förum með sterkt lið og tökum verkefnið alvarlega.“ Ellert: Förum ekki út í einhverja menningarferð„Ég er mjög sáttur að halda hreinu og fara út með fjögur mörk. Það verður að teljast gott,“ sagði Ellert Hreinsson sem skoraði tvö mörk í dag. „Við höfðum ekki hugmynd hverju við værum að fara mæta fyrir utan að þeir heita FC Santa Coloma. Við höfðum ekki miklar upplýsingar um þá. „Það var frábært að ná þessum mörkum snemma í leiknum því við vissum að þeir myndu liggja til baka og keyra með skyndisóknum á okkur. Við vissum að þetta gæti verið þolinmæðisverk. Því var frábært að brjóta þá á bak aftur og ná þessum mökrum snemma,“ sagði Ellert sem reyndi að ná þrennunni með skoti frá miðju skömmu eftir að hann skoraði sitt annað mark. „Ég sá að hann stóð framarlega en skotið var ekkert sérstakt,“ sagði Ellert sem fékk einnig að líta gula spjaldið í leiknum við litla hrifningu þjálfarans Ólafs Kristjánssonar. „Óli var ekkert sérstaklega ánægður. Ég splæsi ekki oft í einhverjar tæklingar en ákvað að gera það í fyrri hálfleik úti í horni. Hann gaf mér hýrt auga. „Við vanmetum ekki andstæðinginn og förum í seinni leikinn með fulla einbeitingu. Við erum ekki að fara þarna út í einhverja menningarferð,“ sagði Ellert.
Evrópudeild UEFA Mest lesið Sendi sónarmynd: Tvö ákærð eftir fjárkúgun gamallar kærustu Enski boltinn Kláraði læknisfræði og keppti á HM í sömu viku Sport Harma ljót orð í Dalnum og lofa bættri gæslu Íslenski boltinn Orri lofar næstu stjörnu Arsenal: „Frábær strákur með fæturna fyrir neðan jörðina“ Fótbolti Vilja tæpa tólf milljarða fyrir Garnacho Enski boltinn Kraftaverkamaðurinn Gunnar Már sem þjálfarinn kallar Jesús Körfubolti Ósáttur Lárus Orri: „Sýnum smá ástríðu líka“ Fótbolti Liverpool að landa dýrasta leikmanni í sögu deildarinnar Enski boltinn „Einvígi sem hefur verið magnað að taka þátt í“ Handbolti Arftaki hins titlaóða Carsons fundinn Enski boltinn Fleiri fréttir Leiðinlegir og slappir: Heimir fékk afmæliskort en enga veislu Liverpool að landa dýrasta leikmanni í sögu deildarinnar City staðfestir kaupin á Reijnders Sendi sónarmynd: Tvö ákærð eftir fjárkúgun gamallar kærustu Orri lofar næstu stjörnu Arsenal: „Frábær strákur með fæturna fyrir neðan jörðina“ Harma ljót orð í Dalnum og lofa bættri gæslu Vilja tæpa tólf milljarða fyrir Garnacho Arftaki hins titlaóða Carsons fundinn Ósáttur Lárus Orri: „Sýnum smá ástríðu líka“ „Barnaskapur sem á ekki alveg við“ Senegal lagði England í Nottingham „Ég hata að tapa“ Hollendingar skoruðu átta „Heimurinn er ekkert að farast þó við höfum tapað“ Man City staðfestir kaupin á Cherki Forest vill niðurstöðu í mál Palace Uppgjörið: Norður-Írland - Ísland 1-0 | Bragðdauft í Belfast Byrjunarlið Íslands: Arnar gerir fimm breytingar Man City ræður annan úr teymi Klopp hjá Liverpool Chelsea vill Gittens áður en glugginn lokar Aftur Bellingham í Dortmund eftir metsölu „Eftir að Real Madrid hringdi hugsaði ég ekki um neitt annað lið“ Jonny Evans heiðraður fyrir landsleik kvöldsins Orri berst við fyrirliðann um stöðu: „Góðir vinir og reynum að hjálpast að“ Þjálfari Þóris rekinn þrátt fyrir að bjarga liðinu Gerðu vúdúdúkku vegna reiði í garð Ísaks Allt klárt og Frank verður næsti stjóri Tottenham „Við erum fastir í einhverri dýflissu“ Þvert nei við umsókn Grænlands Segir ástandið í Los Angeles „ekki eðlilegt“ Sjá meira