20 í símaleit slösuðust í loftbyssubrjálæði

Tuttugu slösuðust þegar farsímaframleiðandinn LG stóð fyrir kynningu á nýjasta símanum úr sinni smiðju í Seúl í Suður-Kóreu síðastliðinn föstudag. Þeir sem stóðu fyrir kynningunni höfðu komið gjafamiðum fyrir LG G2-síma inni í 100 helíumblöðrum sem sleppt var upp í loft.

Margir þeirra vongóðu sem mættu á svæðið voru vel undirbúnir, með oddhvöss prik og jafnvel loftbyssur. Kappið bar fólk þó ofurliði með fyrrgreindum afleiðingum. Fyrirtækið hefur beðist afsökunar og útilokað að álíka aðferðum verði beitt við kynningar í framtíðinni.