Samsung tvöfalt vinsælli en Apple

Suður-kóreski tæknirisinn Samsung hafa selt flesta snjallsíma í heiminum á fyrsta ársfjórðungi þessa árs. Þeir seldu 89 miljónir farsíma. Tvöfalt fleiri en Apple sem seldu 34,7 milljónir snjallsíma.

Þessi tvö fyrirtæki eru stærst á snjallsímamarkaðnum. Samsung hafa ríflega 31 prósent markaðshlutdeild en Apple tæplega 16 prósent.

Flestir snjallsímar nota Android stýrikerfið eða 81 prósent. 16 prósent nota snjallsíma iOS stýrikerfið og 3 prósent Windos stýrikerfið.

Athygli vekur að fimma af tíu söluhæstu farsímafyrirtækjunum eru kínversk. Fyrirtækin eru Huawei, Lenovo, Xiaomi, Yulong og ZTE.

Kínverski snjallsímamarkaðurinn er sá stærsti í heimi með 35 prósent markaðshlutdeild. Til samanburðar er sá bandaríski með 12 prósent markaðshlutdeild.

Nánar má lesa um málið í fréttum BGR og The Next Web.

Apple þurfa að framleiða síma með stærri skjáum

Sala á snjallsímum með skjái stærri en fimm tommur jókst um 369 prósent á síðasta ársfjórðungi. Það er margfalt meiri söluaukning en á minni snjallsímum.

Greiningaraðilinn Jessica Kwee segir athyglisvert að snjallsímar fari stækkandi.

„Næstum helmingur nýrra snjallsíma dýrari en 500 dollarar (60.000 krónur) eru stærri en 5 tommur. Af snjallsímum dýrari en 600 dollarar og minni en fimm tommur eru Iphone símar 87 prósent af markaðnum. Það gefur til kynna að Apple þurfi að búa til síma með stærri skjá til að halda fyrirtækinu samkeppnishæfu.“