Mikil umræða um hvort „Emoji" sé spenntar greipar eða „gef mér fimmu“

Mikil umræða fer nú fram í erlendum fjölmiðlum og á samskiptamiðlum um hvort að nýtt merki - svokallað Emoji - sem nota má í netsamskiptum sýni spenntar greipar eða tvær hendur að „gefa fimmu“.

Fyrirtækið Unicode, sem starfar með Apple, sérhæfir sig í hönnun Emoji-merkjanna sem eru mikið notuð af fólki á samskiptamiðlum. Emoji-merkin eru litlar myndir sem nota má til að sýna ákveðnar tilfinningar eða koma tilteknum skilaboðum á framfæri.

Í gær fjallaði fréttastofa ABC um málið og í frétt hennar var því haldið fram að þetta umdeilda Emoji-merki væri í raun tvær hendur að „gefa fimmu“. Vefsíðan Gawker birti umfjöllun um málið og þar kom fram að frétt ABC væri röng - þetta væru spenntar greipar og í greinninni voru færð nokkur mismunandi rök tekin fram fyrir því.

Fyrr í mánuðinum fjallaði vefurinn Desert-news um málið og birti tíst mikils fjölda manns sem deildu um hvað þetta Emoji-merki þýddi í raun. Já, þetta virðist skipta marga miklu máli, eins og má sjá hér að neðan.

Líklega mun þó merking þessa Emoji-merkis ráðast af því hvað hverjum og einum finnst.