Lars á íslensku: "Áfram Stjarnan“

Silfurskeiðin, hin magnaða og litríka stuðningssveit Stjörnunnar, birti í morgun myndband þar sem þjóðþekktir einstaklingar sem ekki eru Stjörnumenn, lýsa yfir stuðningi við liðið í kvöld.

Meðal þeirra sem birtast í myndbandinu eru Lars Lagerbäck og Heimir Hallgrímsson landsliðsþjálfarar. Einnig má sjá Ólaf Stefánsson handknattleikshetju, Hjörvar Hafliðason sjónvarpsmann, Helga Björnsson söngvara og Gary Martin, leikmann KR og góðvin Silfurskeiðarinnar.

Silfurskeiðin ætlar að hita upp á Ölveri í kvöld. Klukkan átta munu þeir efna til skrúðgöngu á Laugardalsvöll og verður meðal annars flugeldasýning á leiðinni.