Flugmenn Lufthansa í verkfall

Verkfall hefst í dag hjá flugmönnum Lufthansa í Þýskalandi og hefur 1450 flugferðum verið aflýst frá miðjum degi í dag og fram á þriðjudagskvöld. Flugmennirnir krefjast þess að hætt verði við fyrirhugaðar breytingar á lífeyriskerfi þeirra.

Verkföllum fer nú fjölgandi í Þýskalandi en víða um landið voru lestarsamgöngur í lamasessi um helgina.

Flugmennirnir hafa lengi deilt við flugfélagið um lífeyrismálin og er þetta í áttunda sinn frá því í apríl sem þeir fara í verkfall.