Bankað á dyrnar í Belgíu Óskar Ófeigur Jónsson og Eiríkur Stefán Ásgeirsson skrifar 9. nóvember 2014 09:00 Þrír sigrar í þremur leikjum og tandurhreint mark. Jú, það er auðvitað engin ástæða til að breyta byrjunarliði íslenska landsliðsins sem hefur spilað frábærlega í upphafi undankeppni EM 2016 en það eru þó til metnaðarfullir leikmenn utan liðsins sem vilja og ætla sér að vera „með“ í ævintýrinu. Ísland mætir Belgíu í vináttulandsleik á miðvikudaginn aðeins fjórum dögum fyrir toppleik riðilsins við Tékka. Lars Lagerbäck hefur talað um að gefa leikmönnum tækifæri í leiknum og hvíla lykilmenn liðsins sem eru flestir undir miklu álagi með félagsliðum sínum. Fréttablaðið hefur litið yfir hópinn og fundið til þá leikmenn sem eru næstir byrjunarliði íslenska liðsins í dag. Þorvaldur Örlygsson, þjálfari HK, gefur umsögn sína um þá fimm leikmenn sem Fréttablaðið telur mikilvægast að fái mínútur í vináttulandsleiknum á miðvikudag. „Auðvitað er það svo að menn einbeita sér fyrst og fremst að leiknum gegn Tékklandi, óháð því hverjir spila gegn Belgíu. Hugurinn verður við síðari leikinn,“ bendir Þorvaldur á en á ekki von á að leikurinn gegn Belgíu muni breyta miklu nema meiðsli setji strik í reikninginn. „Leikmenn sem hafa staðið fyrir utan eru auðvitað spenntir fyrir því að fá tækifæri til að sýna sig og sanna fyrir leikinn gegn Tékkum ef einhver byrjunarliðsmaður skyldi meiðast,“ segir hann. „Við vitum það innst inni að ef allir eru heilir þá munum við sjá sama byrjunarlið gegn Tékklandi og í hinum leikjunum þremur í undankeppninni.“ Þeir Lagerbäck og Heimir hafa stillt upp sama byrjunarliðinu í öllum þremur leikjunum til þessa en eins og Þorvaldur bendir á snýst landsliðið um fleiri menn en aðeins þá. „Gott byrjunarlið myndast aðeins af því að það eru góðir leikmenn sem standa fyrir utan,“ segir Þorvaldur. Leikur Belgíu og Íslands fer fram á konunglega Baudouin-leikvanginum í Brussel sem áður hét Heysel-leikvangurinn. Fjórum dögum síðar, sunnudaginn 16. nóvember, mæta strákarnir okkar Tékkum í Plzen í toppslag A-riðils enda bæði lið með fullt hús stiga. Belgía og Tékkland eru bæði fyrir ofan Ísland á styrkleikalista FIFA, Belgía er í fjórða sæti og Tékkland í 22. sæti. Ísland er í 28. sæti og hefur aldrei verið ofar.Jóhann Berg Guðmundsson á enn eftir að koma við sögu í undankeppni EM.Vísir/GettyHversu fast banka þessir fimm landsliðsmenn á dyrnar hjá Lars og Heimi í landsleiknum viðBelga?Hér fyrir ofan má sjá grafíkina úr Fréttablaðinu sem Garðar Kjartansson vann í samvinnu við Íþróttadeild Fréttablaðsins. Þar má sjá „volgu" stöðurnar í íslenska landsliðinu í fótbolta og hvaða leikmenn eiga raunhæfa möguleika á því að vinna sér sæti í byrjunarliði íslenska landsliðsins. Allt eru það leikmenn sem hafa verið byrjunarliðsmenn í íslenska liðinu en hafa misst sæti sitt á síðustu misserum vegna bæði meiðsla og uppkomu annarra leikmanna.Birkir Már Sævarsson.Vísir/GettyBirkir Már Sævarsson Staða: Hægri bakvörður Félag: Brann í Noregi Aldur: 29 Landsleikir/mörk: 43/0Undankeppni HM 2014 9 leikir, 728 mínútur, 0 mörk (67%)Undankeppni EM 2016 1 leikur, 45 mínútur, 0 mörk (25%) „Hann hefur verið inni og úti í liði sínu í Noregi sem hefur þar að auki gengið illa. En með landsliðinu hefur hann staðið sig mjög vel líkt og hann gerði gegn Hollandi og það sýnir ef til vill viðhorfið í landsliðinu – menn eru tilbúnir að taka þær mínútur sem þeir fá og leggja sig alla fram. Ég á von á að það verði hans hlutverk áfram. Við erum með bakverði sem hafa staðið sig virkilega vel en menn hafa oft haft áhyggjur af þeirri stöðu. Það er því ekki verra að hafa aðra leikmenn til taks fyrir hana," segir Þorvaldur Örlygsson.Rúrik Gíslason.Vísir/GettyRúrik Gíslason Staða: Hægri kantur Félag: FCK í Danmörku Aldur: 26 Landsleikir/mörk: 31/2Undankeppni HM 2014 9 leikir, 386 mínútur, 0 mörk (36%)Undankeppni EM 2016 3 leikir, 24 mínútur, 1 mark (13%) „Rúrik spilar hjá stóru liði á Norðurlöndunum sem gengur þar að auki vel. Hann þarf að vinna fyrir sæti sínu þar, rétt eins og í landsliðinu þar sem hann hefur verið í fremur litlu hlutverki. Ég held að hann þurfi að sætta sig áfram við að fá fáar mínútur með landsliðinu en það er einkar mikilvægt að menn sem eru fyrir utan nýtist liðinu vel og séu með rétt hugarfar. Það á sérstaklega við um Rúrik – hann þarf að koma inn og gera sitt, fremur en að reyna of mikið," segir Þorvaldur Örlygsson.Alfreð Finnbogason.Vísir/ValliAlfreð Finnbogason Staða: Framherji Félag: Real Sociedad á Spáni Aldur: 25 Landsleikir/mörk: 22/4Undankeppni HM 2014 10 leikir, 586 mínútur, 2 mörk (54%)Undankeppni EM 2016 1 leikur, 13 mínútur, 0 mörk (7%) „Hann hefur ekki verið mikið inni á vellinum í upphafi tímabilsins. Þar að auki gengur liðinu hans illa og það er að ganga í gegnum þjálfaraskipti. Alfreð hefur ekki náð að sýna sitt besta enda hjá nýju liði, í nýju landi og annarri menningu. Landsliðið þarf þó á því að halda að hafa Alfreð tilbúinn því hann getur gefið okkur aðra möguleika í framherjastöðunni. Hann hefði nýst liðinu vel gegn Lettlandi þar sem framherjarnir okkar höfðu lítið pláss en ég tel hann þurfa fleiri leiki til að koma sér á fullan skrið," segir Þorvaldur Örlygsson.Jóhann Berg Guðmundsson.Vísir/GettyJóhann Berg Guðmundssson Staða: Vinstri kantur Félag: Charlton í Englandi Aldur: 24 Landsleikir/mörk: 32/5Undankeppni HM 2014 10 leikir, 622 mínútur, 3 mörk (58%)Undankeppni EM 2016 0 leikir „Hann hefur staðið sig vel hjá Charlton í Englandi og kannski betur en menn þorðu að vona, miðað við að þetta er hans fyrsta tímabil í nýrri deild og í nýju landi. Hann er leikmaður sem þarf ekki nema nokkrar mínútur til að breyta heilu leikjunum. Jóhann var óheppinn að meiðast skömmu fyrir landsleikina í haust en hann gæti reynst liðinu afar mikilvægur gerist þess þörf að kalla hann inn. Það er gott að hafa góða menn tilbúna fyrir utan, sérstaklega menn eins og Jóhann Berg," segir Þorvaldur Örlygsson.Sölvi Geir Ottesen með fyrirliðanum Aroni Einari Gunnarssyni.Vísir/Andri MarinóSölvi Geir Ottesen Staða: Miðvörður Félag: Ural í Rússlandi Aldur: 30 Landsleikir/mörk: 25/0Undankeppni HM 2014 3 leikir, 217 mínútur, 0 mörk (20%)Undankeppni EM 2016 0 leikir „Ragnar Sigurðsson og Kári Árnason hafa einfaldlega staðið sig mjög vel í íslensku vörninni, enda góðir varnarmenn sem hafa náð vel saman. En það má lítið út af bera. Ein meiðsli gætu breytt miklu og við vitum líka að þegar fram líða stundir munu varnarmenn fá spjöld og leikbönn. Við þurfum því að halda mönnum eins og Sölva, sem er ekki síðri varnarmaður en Ragnar og Kári, gangandi. Það mun koma að því að hans verður þörf í íslenska landsliðinu," segir Þorvaldur Örlygsson.Viðar Örn Kjartansson.Vísir/ValliFimm leikmenn til viðbótar sem hafa verið að minna á sig á síðustu mánuðumIngvar Jónsson Besti markvörður Pepsi-deildarinnar og leikmaður ársins að mati leikmanna hennar. Átti frábært tímabil og ein af ástæðunum fyrir því að Stjarnan vann Íslandsmeistaratitilinn.Hörður Björgvin Magnússon Hefur spilað á Ítalíu undanfarin ár og er í „eigu“ ítölsku meistaranna í Juventus en í láni hjá Cesena. Efnilegur strákur (21 árs) sem getur bæði spilað sem miðvörður og vinstri bakvörður.Viðar Örn Kjartansson Markakóngur norsku úrvalsdeildarinnar. Náði ekki að nýta tækifæri sitt í haust og hefur aðeins kólnað niður á lokakaflanum (1 mark í 6 leikjum) eftir að hafa skorað 24 mörk í fyrstu 22 leikjunum.Ólafur Ingi Skúlason Er og verður traustur varamaður í íslenska liðinu. Getur leyst fleiri en eina stöðu og hefur reynslu til að ráða við erfiðar kringumstæður. Fastamaður í belgísku úrvalsdeildarliði.Sverrir Ingi Ingason Leiðtogi 21 árs landsliðsins og fastamaður í miðri vörn norska úrvalsdeildarliðsins Viking. Framtíðarmiðvörður íslenska landsliðsins en bíður enn eftir tækifærinu. EM 2016 í Frakklandi Fótbolti Íslenski boltinn Mest lesið Auglýsir ólögleg veðmál: „Hryggir mig mjög að Kristófer fari þessa leið“ Körfubolti Rúnar þakkar fyrir stuðning eftir mikið sjokk Fótbolti Tuchel með fast skot á stuðningsmenn: „Það var algjör þögn á leikvangnum“ Fótbolti Handtekinn eftir að hann fannst sofandi í bíl í miðri umferð Körfubolti „Ætla rétt að vona að þeir láti hann borga það bara úr sínum eigin vasa“ Körfubolti Járngirðingar í kringum leikmannahótel Ísraela í Osló Fótbolti Engin hjartaaðgerð en smá magnyl skaðar ekki Fótbolti Dagskráin í dag: Tekur Ísland stórt skref í átt að HM? Sport Fram gæti orðið stórveldi í íslenskri kvennaknattspyrnu innan örfárra ára Íslenski boltinn Kviknaði í húsi Vinícius Júnior Fótbolti Fleiri fréttir Engin hjartaaðgerð en smá magnyl skaðar ekki Járngirðingar í kringum leikmannahótel Ísraela í Osló Kviknaði í húsi Vinícius Júnior Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Fram gæti orðið stórveldi í íslenskri kvennaknattspyrnu innan örfárra ára Höjlund sjóðheitur og Danir færðust nær HM Alsír tuttugasta þjóðin inn á HM Uppgjörið: Þór/KA - Fram 1-1 | Ósáttir Akureyringar enduðu ofar Grétar Rafn gæti gert Gerrard að stjóra Rangers Barcelona spilar í Miami: „Ég er ekki hrifinn af þessu“ „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Sjá meira
Þrír sigrar í þremur leikjum og tandurhreint mark. Jú, það er auðvitað engin ástæða til að breyta byrjunarliði íslenska landsliðsins sem hefur spilað frábærlega í upphafi undankeppni EM 2016 en það eru þó til metnaðarfullir leikmenn utan liðsins sem vilja og ætla sér að vera „með“ í ævintýrinu. Ísland mætir Belgíu í vináttulandsleik á miðvikudaginn aðeins fjórum dögum fyrir toppleik riðilsins við Tékka. Lars Lagerbäck hefur talað um að gefa leikmönnum tækifæri í leiknum og hvíla lykilmenn liðsins sem eru flestir undir miklu álagi með félagsliðum sínum. Fréttablaðið hefur litið yfir hópinn og fundið til þá leikmenn sem eru næstir byrjunarliði íslenska liðsins í dag. Þorvaldur Örlygsson, þjálfari HK, gefur umsögn sína um þá fimm leikmenn sem Fréttablaðið telur mikilvægast að fái mínútur í vináttulandsleiknum á miðvikudag. „Auðvitað er það svo að menn einbeita sér fyrst og fremst að leiknum gegn Tékklandi, óháð því hverjir spila gegn Belgíu. Hugurinn verður við síðari leikinn,“ bendir Þorvaldur á en á ekki von á að leikurinn gegn Belgíu muni breyta miklu nema meiðsli setji strik í reikninginn. „Leikmenn sem hafa staðið fyrir utan eru auðvitað spenntir fyrir því að fá tækifæri til að sýna sig og sanna fyrir leikinn gegn Tékkum ef einhver byrjunarliðsmaður skyldi meiðast,“ segir hann. „Við vitum það innst inni að ef allir eru heilir þá munum við sjá sama byrjunarlið gegn Tékklandi og í hinum leikjunum þremur í undankeppninni.“ Þeir Lagerbäck og Heimir hafa stillt upp sama byrjunarliðinu í öllum þremur leikjunum til þessa en eins og Þorvaldur bendir á snýst landsliðið um fleiri menn en aðeins þá. „Gott byrjunarlið myndast aðeins af því að það eru góðir leikmenn sem standa fyrir utan,“ segir Þorvaldur. Leikur Belgíu og Íslands fer fram á konunglega Baudouin-leikvanginum í Brussel sem áður hét Heysel-leikvangurinn. Fjórum dögum síðar, sunnudaginn 16. nóvember, mæta strákarnir okkar Tékkum í Plzen í toppslag A-riðils enda bæði lið með fullt hús stiga. Belgía og Tékkland eru bæði fyrir ofan Ísland á styrkleikalista FIFA, Belgía er í fjórða sæti og Tékkland í 22. sæti. Ísland er í 28. sæti og hefur aldrei verið ofar.Jóhann Berg Guðmundsson á enn eftir að koma við sögu í undankeppni EM.Vísir/GettyHversu fast banka þessir fimm landsliðsmenn á dyrnar hjá Lars og Heimi í landsleiknum viðBelga?Hér fyrir ofan má sjá grafíkina úr Fréttablaðinu sem Garðar Kjartansson vann í samvinnu við Íþróttadeild Fréttablaðsins. Þar má sjá „volgu" stöðurnar í íslenska landsliðinu í fótbolta og hvaða leikmenn eiga raunhæfa möguleika á því að vinna sér sæti í byrjunarliði íslenska landsliðsins. Allt eru það leikmenn sem hafa verið byrjunarliðsmenn í íslenska liðinu en hafa misst sæti sitt á síðustu misserum vegna bæði meiðsla og uppkomu annarra leikmanna.Birkir Már Sævarsson.Vísir/GettyBirkir Már Sævarsson Staða: Hægri bakvörður Félag: Brann í Noregi Aldur: 29 Landsleikir/mörk: 43/0Undankeppni HM 2014 9 leikir, 728 mínútur, 0 mörk (67%)Undankeppni EM 2016 1 leikur, 45 mínútur, 0 mörk (25%) „Hann hefur verið inni og úti í liði sínu í Noregi sem hefur þar að auki gengið illa. En með landsliðinu hefur hann staðið sig mjög vel líkt og hann gerði gegn Hollandi og það sýnir ef til vill viðhorfið í landsliðinu – menn eru tilbúnir að taka þær mínútur sem þeir fá og leggja sig alla fram. Ég á von á að það verði hans hlutverk áfram. Við erum með bakverði sem hafa staðið sig virkilega vel en menn hafa oft haft áhyggjur af þeirri stöðu. Það er því ekki verra að hafa aðra leikmenn til taks fyrir hana," segir Þorvaldur Örlygsson.Rúrik Gíslason.Vísir/GettyRúrik Gíslason Staða: Hægri kantur Félag: FCK í Danmörku Aldur: 26 Landsleikir/mörk: 31/2Undankeppni HM 2014 9 leikir, 386 mínútur, 0 mörk (36%)Undankeppni EM 2016 3 leikir, 24 mínútur, 1 mark (13%) „Rúrik spilar hjá stóru liði á Norðurlöndunum sem gengur þar að auki vel. Hann þarf að vinna fyrir sæti sínu þar, rétt eins og í landsliðinu þar sem hann hefur verið í fremur litlu hlutverki. Ég held að hann þurfi að sætta sig áfram við að fá fáar mínútur með landsliðinu en það er einkar mikilvægt að menn sem eru fyrir utan nýtist liðinu vel og séu með rétt hugarfar. Það á sérstaklega við um Rúrik – hann þarf að koma inn og gera sitt, fremur en að reyna of mikið," segir Þorvaldur Örlygsson.Alfreð Finnbogason.Vísir/ValliAlfreð Finnbogason Staða: Framherji Félag: Real Sociedad á Spáni Aldur: 25 Landsleikir/mörk: 22/4Undankeppni HM 2014 10 leikir, 586 mínútur, 2 mörk (54%)Undankeppni EM 2016 1 leikur, 13 mínútur, 0 mörk (7%) „Hann hefur ekki verið mikið inni á vellinum í upphafi tímabilsins. Þar að auki gengur liðinu hans illa og það er að ganga í gegnum þjálfaraskipti. Alfreð hefur ekki náð að sýna sitt besta enda hjá nýju liði, í nýju landi og annarri menningu. Landsliðið þarf þó á því að halda að hafa Alfreð tilbúinn því hann getur gefið okkur aðra möguleika í framherjastöðunni. Hann hefði nýst liðinu vel gegn Lettlandi þar sem framherjarnir okkar höfðu lítið pláss en ég tel hann þurfa fleiri leiki til að koma sér á fullan skrið," segir Þorvaldur Örlygsson.Jóhann Berg Guðmundsson.Vísir/GettyJóhann Berg Guðmundssson Staða: Vinstri kantur Félag: Charlton í Englandi Aldur: 24 Landsleikir/mörk: 32/5Undankeppni HM 2014 10 leikir, 622 mínútur, 3 mörk (58%)Undankeppni EM 2016 0 leikir „Hann hefur staðið sig vel hjá Charlton í Englandi og kannski betur en menn þorðu að vona, miðað við að þetta er hans fyrsta tímabil í nýrri deild og í nýju landi. Hann er leikmaður sem þarf ekki nema nokkrar mínútur til að breyta heilu leikjunum. Jóhann var óheppinn að meiðast skömmu fyrir landsleikina í haust en hann gæti reynst liðinu afar mikilvægur gerist þess þörf að kalla hann inn. Það er gott að hafa góða menn tilbúna fyrir utan, sérstaklega menn eins og Jóhann Berg," segir Þorvaldur Örlygsson.Sölvi Geir Ottesen með fyrirliðanum Aroni Einari Gunnarssyni.Vísir/Andri MarinóSölvi Geir Ottesen Staða: Miðvörður Félag: Ural í Rússlandi Aldur: 30 Landsleikir/mörk: 25/0Undankeppni HM 2014 3 leikir, 217 mínútur, 0 mörk (20%)Undankeppni EM 2016 0 leikir „Ragnar Sigurðsson og Kári Árnason hafa einfaldlega staðið sig mjög vel í íslensku vörninni, enda góðir varnarmenn sem hafa náð vel saman. En það má lítið út af bera. Ein meiðsli gætu breytt miklu og við vitum líka að þegar fram líða stundir munu varnarmenn fá spjöld og leikbönn. Við þurfum því að halda mönnum eins og Sölva, sem er ekki síðri varnarmaður en Ragnar og Kári, gangandi. Það mun koma að því að hans verður þörf í íslenska landsliðinu," segir Þorvaldur Örlygsson.Viðar Örn Kjartansson.Vísir/ValliFimm leikmenn til viðbótar sem hafa verið að minna á sig á síðustu mánuðumIngvar Jónsson Besti markvörður Pepsi-deildarinnar og leikmaður ársins að mati leikmanna hennar. Átti frábært tímabil og ein af ástæðunum fyrir því að Stjarnan vann Íslandsmeistaratitilinn.Hörður Björgvin Magnússon Hefur spilað á Ítalíu undanfarin ár og er í „eigu“ ítölsku meistaranna í Juventus en í láni hjá Cesena. Efnilegur strákur (21 árs) sem getur bæði spilað sem miðvörður og vinstri bakvörður.Viðar Örn Kjartansson Markakóngur norsku úrvalsdeildarinnar. Náði ekki að nýta tækifæri sitt í haust og hefur aðeins kólnað niður á lokakaflanum (1 mark í 6 leikjum) eftir að hafa skorað 24 mörk í fyrstu 22 leikjunum.Ólafur Ingi Skúlason Er og verður traustur varamaður í íslenska liðinu. Getur leyst fleiri en eina stöðu og hefur reynslu til að ráða við erfiðar kringumstæður. Fastamaður í belgísku úrvalsdeildarliði.Sverrir Ingi Ingason Leiðtogi 21 árs landsliðsins og fastamaður í miðri vörn norska úrvalsdeildarliðsins Viking. Framtíðarmiðvörður íslenska landsliðsins en bíður enn eftir tækifærinu.
EM 2016 í Frakklandi Fótbolti Íslenski boltinn Mest lesið Auglýsir ólögleg veðmál: „Hryggir mig mjög að Kristófer fari þessa leið“ Körfubolti Rúnar þakkar fyrir stuðning eftir mikið sjokk Fótbolti Tuchel með fast skot á stuðningsmenn: „Það var algjör þögn á leikvangnum“ Fótbolti Handtekinn eftir að hann fannst sofandi í bíl í miðri umferð Körfubolti „Ætla rétt að vona að þeir láti hann borga það bara úr sínum eigin vasa“ Körfubolti Járngirðingar í kringum leikmannahótel Ísraela í Osló Fótbolti Engin hjartaaðgerð en smá magnyl skaðar ekki Fótbolti Dagskráin í dag: Tekur Ísland stórt skref í átt að HM? Sport Fram gæti orðið stórveldi í íslenskri kvennaknattspyrnu innan örfárra ára Íslenski boltinn Kviknaði í húsi Vinícius Júnior Fótbolti Fleiri fréttir Engin hjartaaðgerð en smá magnyl skaðar ekki Járngirðingar í kringum leikmannahótel Ísraela í Osló Kviknaði í húsi Vinícius Júnior Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Fram gæti orðið stórveldi í íslenskri kvennaknattspyrnu innan örfárra ára Höjlund sjóðheitur og Danir færðust nær HM Alsír tuttugasta þjóðin inn á HM Uppgjörið: Þór/KA - Fram 1-1 | Ósáttir Akureyringar enduðu ofar Grétar Rafn gæti gert Gerrard að stjóra Rangers Barcelona spilar í Miami: „Ég er ekki hrifinn af þessu“ „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Sjá meira