Aganefnd Alþjóða handknattleikssambandsins, IHF, hefur dæmt Nikola Prce, leikmann bosníska landsliðsins, í þriggja leikja bann og sektað handknattleikssamband landsins vegna óíþróttamannslegrar framkomu hans.
Prce mótmælti störfum dómaranna í leik liðsins gegn Túnis í gær með svo kraftmiklum hætti að ljóst er að hann tekur ekki frekari þátt með liði sínu á HM hér í Katar. Túnis vann leikinn, 27-24.
Túnis fór langt með að tryggja sér sæti í 16-liða úrslitum keppninnar með sigrinum í gær en Bosnía þarf að vinna Króatíu í kvöld og treysta á að Túnis tapi fyrir Íran á sama tíma.
Bosnía komst inn á HM með því að slá Ísland úr leik í undankeppninni í júní á síðasta ári.
Leikmaður Bosníu rekinn heim

Tengdar fréttir

Túnismenn björguðu mótinu á lokamínútunum - útlitið svart hjá Bosníu
Bosníumenn misstu frá sér sigurinn og væntanlega sæti í sextán liða úrslitum þegar liðið tapaði með þriggja marka mun á móti Túnis, 27-24, á HM í handbolta í dag.