Þessar myndir segja meira en mörg orð

Íslenska landsliðið tapaði með ellefu marka mun á móti Tékkum á HM í handbolta í Katar í gær en Tékkarnir sem höfðu ekki unnið leik á mótinu rúlluðu upp strákunum okkar 36-25.

Tapið þýðir að íslensku strákarnir spila upp á líf eða dauða á móti Egyptum á laugardaginn í lokaleik sínum í riðlinum.

Þetta var ekki aðeins slæmt tap í tölum því frammistaðan og andleysið var líklega það sem var mest sjokkerandi af öllu enda leikur liðsins vandræðalega lélegur í gær.

Eva Björk Ægisdóttir, ljósmyndari Vísis og Fréttablaðsins á heimsmeistaramótinu, var í höllinni í Doha í gærkvöldi og náði þessum myndum hér fyrir neðan.