Guðjón Valur: Er með fleiri sár á tungunni en oftast áður

„Ég ligg sáttur andvaka á koddanum í nótt. Það verður önnur tilfinning en eftir leikinn gegn Svíum,“ sagði fyrirliðinn eftir leik. Honum var tíðrætt um dómgæsluna í jafnteflisleiknum gegn Frökkum í gær eins og fleiri.
„Afi minn heitinn yrði brjálaður ef ég færi að kvarta undan dómurunum en þegar leikmenn beggja liða standa eftir leik og velta fyrir sér hver lína dómaranna hafi verið án þess að komast að neinni niðurstöðu - þá er eitthvað skrýtið við það,“ sagði hann.
„Við komumst í 16-12 forystu og þá fáum við tvær brottvísanir og þeir jafna. Við vorum samt að spila mjög vel. Svo komast þeir yfir og þá fara þeir út af og við jöfnum aftur.“
„Leikmönnum liðanna finnst að þetta hafi verið skrýtin lína. Brottvísanir voru margar skrýtnar og svo var verið að sleppa augljósum brotum,“ segir hann.
Hann segir erfitt að halda ró sinni í slíkum aðstæðum. „Það þýðir ekkert annað. Þeir hafa valdið og maður skaðar bara sjálfan sig og liðið allt með því að rífa kjaft. En ég held þó að ég sé með fleiri sár á tungunni og innan í kinninni en eftir venjulegan leik,“ sagði hann og brosti.
Dómgæslan hefur verið áberandi á mótinu til þessa - ekki aðeins í þessum leik. Guðjón Valur samsinnir því og bætir við að oft sé þetta misræmi í dómgæslunni að finna á fleiri stöðum.
„Ég spila á Spáni og þar virðast allt aðrar reglur ríkja en í Meistaradeildinni. Þar má miklu meira en á Spáni. Svo hefst HM og þá eru ákveðnar línur lagðar og lagt upp með ákveðna hluti. En svo vill það oft verða að þegar komið er inn í 16-liða og 8-liða úrslitin að gamli góði handboltinn komi aftur. Áherslubreytingarnar virðast því deyja út með mótinu.“
Hann sagðist vitanlega sáttur við frammistöðu sinna manna í leiknum þrátt fyrir að strákarnir hafi þurft að sætta sig við eitt stig. Og hann mun leggjast sáttur á koddann í kvöld.
„Það er svo annað mál hvenær ég sofna. Ég vakna yfirleitt snemma þrátt fyrir allt og ég kann ekki að leggja mig yfir daginn, þó svo að ég fái alls konar ráð frá hinum og þessum til þess. Ég verð því sáttur andvaka á koddanum í nótt - sem verður öðruvísi tilfinning en eftir leikinn gegn Svíum.“
Tengdar fréttir

Aron Kristjáns: Erfitt að stöðva ísskápinn á línunni
Landsliðsþjálfarinn var ánægður með sterkan leik strákanna í jafnteflinu gegn Frakklandi.

Sverre: Gott að vera svekktur eftir jafntefli við Frakka
Varnarjaxlinn pirraður á línunni sem dómararnir hafa tekið á mótinu.

Umfjöllun, viðtöl og myndir: Frakkland - Ísland 26-26 | Besta frammistaða strákanna í jafnteflisleik
Evrópumeistarar Frakklands þurftu allt sitt og meira til gegn góðu íslensku liði í Duhail.

Einkunnir Gaupa: Þrír nálægt fullu húsi
Aron Pálmarsson, Snorri Steinn Guðjónsson og Ásgeir Örn Hallgrímsson báru af í íslenska liðinu gegn Frakklandi.

Snorri Steinn: Við vorum flottir
Snorri Steinn Guðjónsson var ánægður með leik íslenska landsliðsins gegn því franska í Doha í kvöld.

Tékkar mæta stigalausir í Íslandsleikinn
Egyptaland vann þriggja marka sigur á Tékklandi, 27-24, í fyrsta leik dagsins í riðli Íslands á HM í handbolta í Katar. Egyptar voru með frumkvæðið allan leikinn og sigurinn var öruggur.

Arnór: Megum ekkert vera of góðir með okkur
Skyttan öfluga var kátur með hvernig liðið kláraði sóknirnar gegn Frakklandi.

Björgvin: Síðasta sem fer hjá þessum gaurum er sjálfstraustið
Landsliðsmarkvörðurinn ánægður með að sjá íslensku geðveikina aftur komna.

Róbert: Enginn vissi hvað mátti gera
Róbert Gunnarsson var svekktur með að hafa ekki unnið Evrópumeistara Frakka á HM í Katar í kvöld.