Fótbolti

Seleznyov skoraði aftur og Dnipro í úrslitaleikinn | Sjáðu markið

Ingvi Þór Sæmundsson skrifar
Úkraínska liðið Dnipro Dnipropetrovsk komst í fyrsta sinn í úrslitaleik í Evrópukeppni eftir 1-0 sigur á Napoli í seinni leik liðanna í undanúrslitum Evrópudeildarinnar.

Markið úr leiknum má sjá í spilaranum hér að ofan.

Liðin gerðu 1-1 jafntefli í fyrri leiknum í Napoli og Dnipro fór því áfram, 2-1 samanlagt.

Evgen Seleznyov skoraði eina mark leiksins á 58. mínútu með skalla eftir fyrirgjöf Yevhen Konoplyanka. Seleznyov skoraði einnig mark Dnipro í fyrri leiknum.

Dnipro mætir Sevilla í úrslitaleiknum á Stadion Narodowy í Varsjá, Póllandi, 27. maí næstkomandi.

Evrópudeild UEFA

Mest lesið


Fleiri fréttir

Sjá meira


×

Mest lesið