Birkir kemur til greina sem leikmaður vikunnar í Evrópudeildinni

Birkir Bjarnason er einn átta leikmanna sem koma til greina sem leikmaður vikunnar í Evrópudeildinni.

Birkir skoraði fyrra mark Basel í 2-0 sigri á Lech Poznan í gær en markið má sjá í spilaranum hér að ofan.

Þetta var annað mark landsliðsmannsins í Evrópudeildinni en hann skoraði einnig í 1-2 sigri Basel á Fiorentina í 1. umferð riðlakeppninnar.

Á heimasíðu UEFA, knattspyrnusambands Evrópu, er hægt að taka þátt í kosningunni og sjá helstu tilþrif hjá þessum átta leikmönnum. Þeir eru, auk Birkis, Andrija Zivkovic (Partizan Belgrad), Yevhen Seleznyov (Dnipro), Klaas-Jan Huntelaar (Schalke 04), José Sosa (Besiktas), Adam Lallana (Liverpool), Fernandao (Fenerbache) og Dries Mertens (Napoli).

Taktu þátt í kosningunni með því að smella hér.