Ljósleysið kveikti í leikmönnum Mónakó | Sjáðu mörkin

Leikmönnum Mónakó tókst að taka stig gegn Tottenham á heimavelli í 2. umferð Evrópudeildarinnar í kvöld en jöfnunarmark Mónakó kom stuttu fyrir leikslok eftir markmannsmistök Hugo Lloris.

Erik Lamela kom Tottenham yfir þegar hann fylgdi eftir skoti Nacir Chadli og stýrði boltanum í autt netið í fyrri hálfleik og leiddu gestirnir 1-0 í hálfleik.

Í seinni hálfleik slökknuðu ljósin á vellinum í eina mínútu en það virtist vekja leikmenn Mónakó til lífsins og skoruðu þeir jöfnunarmarkið skömmu síðar.

Var þar að verki Stephan El Shaarawy, lánsmaðurinn frá AC Milan, en Hugo Lloris, markvörður Tottenham hefði átt að gera betur því skalli El Shaarawy var slakur og beint á hann.

Heimamenn voru líklegri til að bæta við marki undir lok leiksins en hvorugu liði tókst að bæta við marki og skyldu þau því jöfn.