SUS styður ekki kynjakvóta í Sjálfstæðisflokknum Snærós Sindradóttir skrifar 24. október 2015 14:30 Laufey Rún Ketilsdóttir formaður SUS Búast má við miklum átökum um tillögu miðstjórnar Sjálfstæðisflokksins, upp úr tillögu Landssambands Sjálfstæðiskvenna, um að taka upp kynjakvóta innan Sjálfstæðisflokksins. Landsfundur í ár er haldinn til heiðurs konum. Bæði Bjarni Benediktsson, formaður flokksins, og Hanna Birna Kristjánsdóttir, fráfarandi varaformaður flokksins, hafa bæði mælst til þess að tillagan verði samþykkt í ræðum sínum í dag og í gær. Tillagan gengur í stuttu máli út á það að öllum ákvæðum skipulagsreglnanna þar sem kveðið er á um framboðslista og kjör í nefndir, stjórnir, ráð verði breytt þannig að ávallt séu kosnir jafn margir karlar og konur eða því sem næst. Einnig að kveðið verði á um það að fyrstu tvö sæti framboðslista skulu skipuð karli og konu. Í dag er hlutfall kvenna innan flokksins hæst í sveitastjórnum eða 47 prósent. Lægst er það í fulltrúaráði og stjórnum kjördæmisráða, eða 35 prósent. Staða kynjanna innan Sjálfstæðisflokksins. Konur eru appelsínugular en karlar táknaðir með bláu. Smellið til að sjá stærri mynd.Ungir Sjálfstæðismenn munu standa gegn tillögum miðstjórnar og Landssambands Sjálfstæðiskvenna. „Okkar skoðun í SUS er sú að flokkurinn byggir á einstaklingum og einstaklingsfrelsi. Í því felst að það má ekki mismuna fólki með ómálefnalegum hætti, það er einmitt tryggt í stjórnarskrá. Við teljum að jafnrétti sé tryggt þar og ef brotið er á mönnum geta þeir sótt rétt sinn varðandi það. Þannig að allt sem að fellur undir þvingað jafnræði, sem er að veita einum hópi forréttindi á kostnað annars, og mismuna á ómálefnalegum grundvelli, sem er kyn, það eigi ekki heima í stefnu Sjálfstæðisflokksins og hvorki í stefnunni né innan flokksstofnunarinnar sjálfrar,“ segir Laufey Rún Ketilsdóttir, formaður Sambands ungra Sjálfstæðismanna. Hún segir að þó flokknum sé í sjálfvald sett hvaða skipulagsreglur hann hafi þá sé það hennar trú að kynjakvótar samræmist ekki grundvelli Sjálfstæðisflokksins, þ.e. einstaklingsfrelsinu. „Við höfum talað fyrir því í nefndum í gær, fyrir þessu sjónarmiði, að menn mega ekki gleyma þessu en vissulega má taka það fram að við erum algjörlega heilshugar á bakvið það að hvetja gott fólk til góðra verka. Einstaklingar sem eru með hæfileika eða eiginleika sem eru góðir í hvað sem er kemur, þá á að hvetja. Hvort sem það eru karlar konur eða eitthvað annað.“Eitt af póstkortum Landssambands SjálfstæðiskvennaLaufey Rún er önnur kvenna til að gegna stöðu formanns SUS. Hún lítur ekki svo á að það bendi til undirliggjandi skekkju sem halli á konur. „Við erum komin á þann stað að allir eru með jöfn tækifæri til að sækja það sem þeir vilja sækja. Þannig að ég lít á þetta þannig að sé einstaklingur sem hefur áhuga á einhverju þá eigi hann að sækja það og ef hann vinnur að því ötullega, eins og ég hef til dæmis gert og aðrir á undan mér sem hafa sótt í þetta embætti, hefur eitthvað fram að færa og menn eru sammála þér að leyfa þér að framfylgja stefnunni eins og í SUS þá nær slíkt fólk árangri. Þannig að þetta snýst bara um manns eigin stefnu og eigin elju og vilja til að sækja fram og það er ekkert sem stoppar menn í því í dag af því við erum komin þangað.“ Ungir Sjálfstæðismenn hafa ekki lagt fram breytingartillögu gegn tillögunni en Laufey segist sjálf ætla að mæla gegn henni í umræðum á morgun. Hún óttast samt að vegna „rótgróinnar stemningar“ í flokknum að samþykkja það sem formaður hefur mælt fyrir þá verði tillögurnar að veruleika. „. En ég vona að með því að koma með þessa athugasemd þá fari menn kannski að hugsa. Ég vona að menn taki þetta til greina og hugsi sig að minnsta kosti tvisvar um áður en þeir samþykkja þetta.“Þórey Vilhjálmsdóttir er formaður Landssambands SjálfstæðiskvennaVísir/ValliLandssamband Sjálfstæðiskvenna hefur dreift póstkortum tillögu miðstjórnar til stuðnings. Þar kemur meðal annars fram að 19 prósent ráðherra Sjálfstæðisflokksins frá upphafi hafa verið konur. Þórey Vilhjálmsdóttir, formaður Sjálfstæðiskvenna, hélt erindi á fundinum í dag og fór yfir sögu kvenna í íslenskum stjórnmálum. Hlutur kvenna á Alþingi hefur aldrei verið meiri á Alþingi en einmitt nú, eða 49,2 prósent. „Sjálfstæðisflokkurinn þarf á konum að halda og við þurfum aukið fylgi. Við eigum að sækja það til kvenna. Fyrsta skrefið er að auka áhrif kvenna í flokknum. Fyrr mun þetta ekki breytast.“ „Það á enginn frelsið og það á enginn jafnrétti kynjanna. Við eigum ekki að gefa eftir í þessum málaflokkum enda er Sjálfstæðisflokkurinn brautryðjandi þegar kemur að jafnrétti kynjanna. Við erum flokkur sem vill fá konur til ábyrgðarstarfa. Nú er komið að því að stíga næsta skref. Að koma ákvæðum um jafnrétti kynjanna inn í skipulagsreglur flokksins og viðurkenna það sem eitt af grunngildum flokksins.“Eitt af þeim póstkortum sem Landssamband Sjálfstæðiskvenna dreifa á landsfundiÁ póstkorti frá sambandinu, sem sýnir bugaðan karl með barn og vagn á Alþingi, stendur: „Þetta er auðvitað grín því karlar geta aldrei átt of mörg börn til að vera á þingi eða á kafi í stjórnmálum. Konur í stjórnmálum og aðstandendur þeirra þurfa hins vegar, ennþá á því herrans ári 2014, að hlusta á athugasemdir um hvort þær hafi nokkuð tíma í þetta með þessa „stóru fjölskyldu“. Ennþá er gengið útfrá því að frumskyldur konunnar séu við eiginmenn og börn, þeirra staður sé á heimilinu og þær eigi ekki erindi í stjórnmál nema þær séu hreinlega barnlausar og helst einhleypar. Stjórnmálin lendi alltaf í öðru sæti ef konan á fjölskyldu. En það er auðvitað grín!“ Alþingi Mest lesið Vandasöm andlitslömun sem greinist vikulega á Íslandi Innlent Sviku út tugi milljóna með því að þykjast vera Brad Pitt Erlent Demókratar uggandi yfir niðurstöðum skoðanakannana Erlent Krefja blaðamann Samstöðvarinnar um fimmtán milljónir Innlent Grunaðir um að skiptast á að nauðga konu Innlent Erfið umræða sem fólk hafi veigrað sér við að taka Innlent Þarf ekki að skerða heitt vatn í vetur vegna nýrrar borholu Innlent Slagsmál, líkamsárásir og ellefu í fangageymslum Innlent „Sterk Úkraína mun neyða Pútín að samningaborðinu“ Erlent Ringulreið á lánamarkaði Innlent Fleiri fréttir Mál Samherja gegn Odee tekið fyrir dóm í vikunni Grunaðir um að skiptast á að nauðga konu Krefja blaðamann Samstöðvarinnar um fimmtán milljónir Slagsmál, líkamsárásir og ellefu í fangageymslum Þarf ekki að skerða heitt vatn í vetur vegna nýrrar borholu Erfið umræða sem fólk hafi veigrað sér við að taka Vandasöm andlitslömun sem greinist vikulega á Íslandi Forréttindi fyrir fámenna þjóð að hafa jafn öflugar flugsamgöngur „Þetta er ekki átak til einhverra daga eða vikna“ Skilur að fólk sé hugsi yfir mögulegum skyldleika við sæðisgjöf Úkraínumenn berjist með „aðra hönd bundna fyrir aftan bak“ Ringulreið á lánamarkaði Jódís fer fram gegn Guðmundi Inga í varaformann VG Býður sig ekki fram til formanns og styður Svandísi Ótti um allsherjarstríð, ringulreið á lánamarkaði og íslenskir sæðisgjafar „Vonumst til að sem flestir fari svo í óverðtryggð íbúðalán“ Söfnuðu um níu milljónum í minningu Bryndísar Klöru Leituðu á stóru svæði en fundu ekki fleiri hvítabirni Situr undir gelti, urri og að vera kölluð api Telja Ísland með „hættuleg viðhorf“ gagnvart Rússlandi Með mörg þúsund evrur af illa fengnu fé Íslendingur í Ísrael óskaði eftir aðstoð utanríkisráðuneytisins Brotist inn í tvær verslanir sömu nóttina Guðrún skýst upp fyrir Katrínu Vetrarfærð á fjallvegum norðaustanlands Ein kært nauðgun og fjórar segjast hafa verið beittar ofbeldi Kanna hvort fleiri bjarndýr leynist fyrir vestan Manndráp í Kiðjabergi komið til saksóknara Máttu vita að eiturlyfjasalinn þeirra væri að flytja inn eiturlyf Ungmenni í viðkvæmri stöðu hagnýtt í afbrot hér á landi Sjá meira
Búast má við miklum átökum um tillögu miðstjórnar Sjálfstæðisflokksins, upp úr tillögu Landssambands Sjálfstæðiskvenna, um að taka upp kynjakvóta innan Sjálfstæðisflokksins. Landsfundur í ár er haldinn til heiðurs konum. Bæði Bjarni Benediktsson, formaður flokksins, og Hanna Birna Kristjánsdóttir, fráfarandi varaformaður flokksins, hafa bæði mælst til þess að tillagan verði samþykkt í ræðum sínum í dag og í gær. Tillagan gengur í stuttu máli út á það að öllum ákvæðum skipulagsreglnanna þar sem kveðið er á um framboðslista og kjör í nefndir, stjórnir, ráð verði breytt þannig að ávallt séu kosnir jafn margir karlar og konur eða því sem næst. Einnig að kveðið verði á um það að fyrstu tvö sæti framboðslista skulu skipuð karli og konu. Í dag er hlutfall kvenna innan flokksins hæst í sveitastjórnum eða 47 prósent. Lægst er það í fulltrúaráði og stjórnum kjördæmisráða, eða 35 prósent. Staða kynjanna innan Sjálfstæðisflokksins. Konur eru appelsínugular en karlar táknaðir með bláu. Smellið til að sjá stærri mynd.Ungir Sjálfstæðismenn munu standa gegn tillögum miðstjórnar og Landssambands Sjálfstæðiskvenna. „Okkar skoðun í SUS er sú að flokkurinn byggir á einstaklingum og einstaklingsfrelsi. Í því felst að það má ekki mismuna fólki með ómálefnalegum hætti, það er einmitt tryggt í stjórnarskrá. Við teljum að jafnrétti sé tryggt þar og ef brotið er á mönnum geta þeir sótt rétt sinn varðandi það. Þannig að allt sem að fellur undir þvingað jafnræði, sem er að veita einum hópi forréttindi á kostnað annars, og mismuna á ómálefnalegum grundvelli, sem er kyn, það eigi ekki heima í stefnu Sjálfstæðisflokksins og hvorki í stefnunni né innan flokksstofnunarinnar sjálfrar,“ segir Laufey Rún Ketilsdóttir, formaður Sambands ungra Sjálfstæðismanna. Hún segir að þó flokknum sé í sjálfvald sett hvaða skipulagsreglur hann hafi þá sé það hennar trú að kynjakvótar samræmist ekki grundvelli Sjálfstæðisflokksins, þ.e. einstaklingsfrelsinu. „Við höfum talað fyrir því í nefndum í gær, fyrir þessu sjónarmiði, að menn mega ekki gleyma þessu en vissulega má taka það fram að við erum algjörlega heilshugar á bakvið það að hvetja gott fólk til góðra verka. Einstaklingar sem eru með hæfileika eða eiginleika sem eru góðir í hvað sem er kemur, þá á að hvetja. Hvort sem það eru karlar konur eða eitthvað annað.“Eitt af póstkortum Landssambands SjálfstæðiskvennaLaufey Rún er önnur kvenna til að gegna stöðu formanns SUS. Hún lítur ekki svo á að það bendi til undirliggjandi skekkju sem halli á konur. „Við erum komin á þann stað að allir eru með jöfn tækifæri til að sækja það sem þeir vilja sækja. Þannig að ég lít á þetta þannig að sé einstaklingur sem hefur áhuga á einhverju þá eigi hann að sækja það og ef hann vinnur að því ötullega, eins og ég hef til dæmis gert og aðrir á undan mér sem hafa sótt í þetta embætti, hefur eitthvað fram að færa og menn eru sammála þér að leyfa þér að framfylgja stefnunni eins og í SUS þá nær slíkt fólk árangri. Þannig að þetta snýst bara um manns eigin stefnu og eigin elju og vilja til að sækja fram og það er ekkert sem stoppar menn í því í dag af því við erum komin þangað.“ Ungir Sjálfstæðismenn hafa ekki lagt fram breytingartillögu gegn tillögunni en Laufey segist sjálf ætla að mæla gegn henni í umræðum á morgun. Hún óttast samt að vegna „rótgróinnar stemningar“ í flokknum að samþykkja það sem formaður hefur mælt fyrir þá verði tillögurnar að veruleika. „. En ég vona að með því að koma með þessa athugasemd þá fari menn kannski að hugsa. Ég vona að menn taki þetta til greina og hugsi sig að minnsta kosti tvisvar um áður en þeir samþykkja þetta.“Þórey Vilhjálmsdóttir er formaður Landssambands SjálfstæðiskvennaVísir/ValliLandssamband Sjálfstæðiskvenna hefur dreift póstkortum tillögu miðstjórnar til stuðnings. Þar kemur meðal annars fram að 19 prósent ráðherra Sjálfstæðisflokksins frá upphafi hafa verið konur. Þórey Vilhjálmsdóttir, formaður Sjálfstæðiskvenna, hélt erindi á fundinum í dag og fór yfir sögu kvenna í íslenskum stjórnmálum. Hlutur kvenna á Alþingi hefur aldrei verið meiri á Alþingi en einmitt nú, eða 49,2 prósent. „Sjálfstæðisflokkurinn þarf á konum að halda og við þurfum aukið fylgi. Við eigum að sækja það til kvenna. Fyrsta skrefið er að auka áhrif kvenna í flokknum. Fyrr mun þetta ekki breytast.“ „Það á enginn frelsið og það á enginn jafnrétti kynjanna. Við eigum ekki að gefa eftir í þessum málaflokkum enda er Sjálfstæðisflokkurinn brautryðjandi þegar kemur að jafnrétti kynjanna. Við erum flokkur sem vill fá konur til ábyrgðarstarfa. Nú er komið að því að stíga næsta skref. Að koma ákvæðum um jafnrétti kynjanna inn í skipulagsreglur flokksins og viðurkenna það sem eitt af grunngildum flokksins.“Eitt af þeim póstkortum sem Landssamband Sjálfstæðiskvenna dreifa á landsfundiÁ póstkorti frá sambandinu, sem sýnir bugaðan karl með barn og vagn á Alþingi, stendur: „Þetta er auðvitað grín því karlar geta aldrei átt of mörg börn til að vera á þingi eða á kafi í stjórnmálum. Konur í stjórnmálum og aðstandendur þeirra þurfa hins vegar, ennþá á því herrans ári 2014, að hlusta á athugasemdir um hvort þær hafi nokkuð tíma í þetta með þessa „stóru fjölskyldu“. Ennþá er gengið útfrá því að frumskyldur konunnar séu við eiginmenn og börn, þeirra staður sé á heimilinu og þær eigi ekki erindi í stjórnmál nema þær séu hreinlega barnlausar og helst einhleypar. Stjórnmálin lendi alltaf í öðru sæti ef konan á fjölskyldu. En það er auðvitað grín!“
Alþingi Mest lesið Vandasöm andlitslömun sem greinist vikulega á Íslandi Innlent Sviku út tugi milljóna með því að þykjast vera Brad Pitt Erlent Demókratar uggandi yfir niðurstöðum skoðanakannana Erlent Krefja blaðamann Samstöðvarinnar um fimmtán milljónir Innlent Grunaðir um að skiptast á að nauðga konu Innlent Erfið umræða sem fólk hafi veigrað sér við að taka Innlent Þarf ekki að skerða heitt vatn í vetur vegna nýrrar borholu Innlent Slagsmál, líkamsárásir og ellefu í fangageymslum Innlent „Sterk Úkraína mun neyða Pútín að samningaborðinu“ Erlent Ringulreið á lánamarkaði Innlent Fleiri fréttir Mál Samherja gegn Odee tekið fyrir dóm í vikunni Grunaðir um að skiptast á að nauðga konu Krefja blaðamann Samstöðvarinnar um fimmtán milljónir Slagsmál, líkamsárásir og ellefu í fangageymslum Þarf ekki að skerða heitt vatn í vetur vegna nýrrar borholu Erfið umræða sem fólk hafi veigrað sér við að taka Vandasöm andlitslömun sem greinist vikulega á Íslandi Forréttindi fyrir fámenna þjóð að hafa jafn öflugar flugsamgöngur „Þetta er ekki átak til einhverra daga eða vikna“ Skilur að fólk sé hugsi yfir mögulegum skyldleika við sæðisgjöf Úkraínumenn berjist með „aðra hönd bundna fyrir aftan bak“ Ringulreið á lánamarkaði Jódís fer fram gegn Guðmundi Inga í varaformann VG Býður sig ekki fram til formanns og styður Svandísi Ótti um allsherjarstríð, ringulreið á lánamarkaði og íslenskir sæðisgjafar „Vonumst til að sem flestir fari svo í óverðtryggð íbúðalán“ Söfnuðu um níu milljónum í minningu Bryndísar Klöru Leituðu á stóru svæði en fundu ekki fleiri hvítabirni Situr undir gelti, urri og að vera kölluð api Telja Ísland með „hættuleg viðhorf“ gagnvart Rússlandi Með mörg þúsund evrur af illa fengnu fé Íslendingur í Ísrael óskaði eftir aðstoð utanríkisráðuneytisins Brotist inn í tvær verslanir sömu nóttina Guðrún skýst upp fyrir Katrínu Vetrarfærð á fjallvegum norðaustanlands Ein kært nauðgun og fjórar segjast hafa verið beittar ofbeldi Kanna hvort fleiri bjarndýr leynist fyrir vestan Manndráp í Kiðjabergi komið til saksóknara Máttu vita að eiturlyfjasalinn þeirra væri að flytja inn eiturlyf Ungmenni í viðkvæmri stöðu hagnýtt í afbrot hér á landi Sjá meira