Fleiri ummæli virðast skálduð í lokaritgerð háskólanema Nadine Guðrún Yaghi skrifar 6. júní 2015 07:00 Runólfur S. Steinþórsson Svo virðist sem fleiri ummæli í lokaritgerð nýútskrifaðs viðskiptafræðinema frá Háskóla Íslands séu byggð á uppspuna en áður var talið. Í gær greindi Fréttablaðið frá því að svo virtist sem í ritgerðinni væri skáldað viðtal við Friðrik Pálsson, hótelhaldara á Hótel Rangá. Ritgerðin byggir meðal annars á viðtölum og gögnum frá ferðaþjónustuaðilum á Suðurlandi sem Fréttablaðið hefur fengið staðfest að séu fölsuð. „Ég hef aldrei séð nemandann eða heyrt í honum og ég bara veit ekkert hver hann er,“ segir Henk Hoogland, eigandi gistiheimilisins Fagralundar í Reykholti. „Þetta er svo heimskulegt. Ef þú vilt vera með gráðu þá gerir þú það ekki með svindli,“ segir Henk sem var erlendis 3. desember síðastliðinn, þegar viðtal við hann átti að hafa verið tekið samkvæmt heimildaskrá ritgerðarinnar. Athygli vekur að ritgerðin er full af málfars- og stafsetningarvillum en nemandinn fékk 8 í einkunn fyrir ritgerðina og er útskrifaður viðskiptafræðingur í dag. Í gær staðfesti Friðrik að höfundur ritgerðarinnar hefði aldrei rætt við hann og að viðtal við hann í ritgerðinni væri falsað. Auk þess er vitnað í ýmis töluleg gögn um Hótel Rangá sem Friðrik rekur og staðfesti hann að þau væru einnig skálduð. Fréttablaðið hefur einnig staðfest að viðtal við þriðja viðmælanda í ritgerðinni sé uppspuni. Viðmælandinn kaus að koma ekki fram undir nafni. Upp komst um málið í kjölfar þess að Friðrik fékk ábendingu um að fram væri komin ritgerð sem byggðist á rekstri hans. Friðrik sem kannaðist sjálfur ekkert við að hafa svarað spurningum frá ritgerðarhöfundi vakti athygli viðskiptafræðideildar á málinu fyrir tveimur mánuðum.Runólfur Smári Steinþórsson, deildarforseti viðskiptafræðideildar, staðfestir í samtali við Fréttablaðið að málið sé til rannsóknar hjá deildinni þar sem grunur leiki á um misferli. „Ég hef þó fullvissu fyrir því að umræddur nemandi fékk mjög margar athugasemdir frá leiðbeinanda sínum við smíði ritgerðarinnar,“ segir Runólfur en ekki náðist í Þórhall Örn Guðlaugsson, dósent og leiðbeinanda við gerð umræddrar ritgerðar, við vinnslu fréttarinnar. Aðspurður um ástæður tafa við rannsóknina segir Runólfur að ferlið geti af ýmsum ástæðum tekið nokkurn tíma. „Það eru gildar ástæður fyrir því að þetta tiltekna mál hafi tekið tíma. Málið er í forgangi.“ Runólfur segir að öll mál, þar sem grunur vakni um misferli, séu tekin afar alvarlega og fari í ákveðið ferli. Brot geti leitt til áminningar, brottrekstrar eða afturköllunar prófgráða. „Meginreglan er þó að nemandinn ber ábyrgð á verki sínu,“ segir Runólfur, sem reiknar með niðurstöðu í málinu innan tveggja til þriggja vikna. Orðrétt úr ritgerðinni:Í byrjun ritgerðar:Rannsóknarspurningin sem varð fyrir valinu er því svohljóðandi: „Hversu fýsilegt er að ráðast í framkvæmdir og rekstur á nýju Hóteli og baðaðstöðu á Suðurlandi“ Í niðurlagi ritgerðar:Til að byrja með var lagt upp með rannsóknarspurninguna: „Eru forsendur til staðar fyrir byggingu og rekstur á smáhúsum til leigu ásamt baðaðstöðu.“ Ótal dæmi eru um innsláttarvillur og hroðvirkni í textasmíði:Að lokum verður ferðaþjónustan skoðuð útfrá aðkomu stjórnvalda. Enn fremur verður ytra og innra umhverfi greinarinnar skoðað með tólum markaðsgreiningar. Markaðssetningu áfangastaða og mikilvægi þeirra. [...] „Einhverjar hræiringar hafa verið á veitingareksri í sveitinni og samkvæmt er tilkostnaður og fyrirhöfn mikil. [...]Að lokum var notast við nýtingarprósentu sem viðmælandi höfundar taldi vera ásættleg nýting fyrir hótel svo það teljist fýsileg fjárfesting. [...]Það er mat höfundar, eftir að hafa talað við hina ýmsu aðila innan ferðaþjónustunnar að það sé vöntun fyrir afþreyfingu, einhverju einu stoppi í viðbót við Gullna hringinn. Ortröðin á Geysi svæðinu er orðin svo mikið að, fólk úr sveitinni forðast það eins og eldinn að fara þangað yfir háannatímann. Grafalvarlegt brot að mati rektorsKristín Ingólfsdóttir, rektor Háskóla Íslands.Vísir/Anton Brink.„Háskólastarfsemi byggir á trausti. Ef rétt reynist í þessu tilviki og um misnotkun á trausti er að ræða þá verður tekið alvarlega á því,“ segir Kristín Ingólfsdóttir, rektor Háskóla Íslands, sem hefur fylgst með ritgerðarmálinu síðan hún frétti af því í fyrradag. „Málið hefur verið á borði viðskiptafræðideildar,“ segir Kristín, en bætir við að það gefi skólanum tilefni til þess að fara betur yfir verklagsreglur. „Við höfum að undanförnu innleitt hertar verklagsreglur varðandi réttindi og agaviðurlög stúdenta. Einnig höfum við gert það að nota kerfisbundið ritstuldarforrit en það er erfitt að verjast óheiðarleika þegar um er að ræða eigindlega aðferðafræði eins og virðist vera í þessu tilfelli,“ segir Kristín. Varðandi hvort um áfellisdóm sé að ræða fyrir Háskóla Íslands segist Kristín ekki telja að svo sé. „Ef rétt reynist er um grafalvarlegt brot að ræða. Hins vegar getur það ekki talist áfellisdómur fyrir heila stofnun að einn einstaklingur af fjórtán þúsund nemendum gerist brotlegur.“ Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Lögreglan vill ná tali af þremur mönnum Innlent Vinstribeygja inn á Bústaðaveg gæti heyrt sögunni til Innlent Sá blóðugan mann hlaupa út og árásarmanninn á eftir honum Innlent Stefnir Hödd vegna ásökunar um nauðgun Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Fleiri fréttir Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Sjá meira
Runólfur S. Steinþórsson Svo virðist sem fleiri ummæli í lokaritgerð nýútskrifaðs viðskiptafræðinema frá Háskóla Íslands séu byggð á uppspuna en áður var talið. Í gær greindi Fréttablaðið frá því að svo virtist sem í ritgerðinni væri skáldað viðtal við Friðrik Pálsson, hótelhaldara á Hótel Rangá. Ritgerðin byggir meðal annars á viðtölum og gögnum frá ferðaþjónustuaðilum á Suðurlandi sem Fréttablaðið hefur fengið staðfest að séu fölsuð. „Ég hef aldrei séð nemandann eða heyrt í honum og ég bara veit ekkert hver hann er,“ segir Henk Hoogland, eigandi gistiheimilisins Fagralundar í Reykholti. „Þetta er svo heimskulegt. Ef þú vilt vera með gráðu þá gerir þú það ekki með svindli,“ segir Henk sem var erlendis 3. desember síðastliðinn, þegar viðtal við hann átti að hafa verið tekið samkvæmt heimildaskrá ritgerðarinnar. Athygli vekur að ritgerðin er full af málfars- og stafsetningarvillum en nemandinn fékk 8 í einkunn fyrir ritgerðina og er útskrifaður viðskiptafræðingur í dag. Í gær staðfesti Friðrik að höfundur ritgerðarinnar hefði aldrei rætt við hann og að viðtal við hann í ritgerðinni væri falsað. Auk þess er vitnað í ýmis töluleg gögn um Hótel Rangá sem Friðrik rekur og staðfesti hann að þau væru einnig skálduð. Fréttablaðið hefur einnig staðfest að viðtal við þriðja viðmælanda í ritgerðinni sé uppspuni. Viðmælandinn kaus að koma ekki fram undir nafni. Upp komst um málið í kjölfar þess að Friðrik fékk ábendingu um að fram væri komin ritgerð sem byggðist á rekstri hans. Friðrik sem kannaðist sjálfur ekkert við að hafa svarað spurningum frá ritgerðarhöfundi vakti athygli viðskiptafræðideildar á málinu fyrir tveimur mánuðum.Runólfur Smári Steinþórsson, deildarforseti viðskiptafræðideildar, staðfestir í samtali við Fréttablaðið að málið sé til rannsóknar hjá deildinni þar sem grunur leiki á um misferli. „Ég hef þó fullvissu fyrir því að umræddur nemandi fékk mjög margar athugasemdir frá leiðbeinanda sínum við smíði ritgerðarinnar,“ segir Runólfur en ekki náðist í Þórhall Örn Guðlaugsson, dósent og leiðbeinanda við gerð umræddrar ritgerðar, við vinnslu fréttarinnar. Aðspurður um ástæður tafa við rannsóknina segir Runólfur að ferlið geti af ýmsum ástæðum tekið nokkurn tíma. „Það eru gildar ástæður fyrir því að þetta tiltekna mál hafi tekið tíma. Málið er í forgangi.“ Runólfur segir að öll mál, þar sem grunur vakni um misferli, séu tekin afar alvarlega og fari í ákveðið ferli. Brot geti leitt til áminningar, brottrekstrar eða afturköllunar prófgráða. „Meginreglan er þó að nemandinn ber ábyrgð á verki sínu,“ segir Runólfur, sem reiknar með niðurstöðu í málinu innan tveggja til þriggja vikna. Orðrétt úr ritgerðinni:Í byrjun ritgerðar:Rannsóknarspurningin sem varð fyrir valinu er því svohljóðandi: „Hversu fýsilegt er að ráðast í framkvæmdir og rekstur á nýju Hóteli og baðaðstöðu á Suðurlandi“ Í niðurlagi ritgerðar:Til að byrja með var lagt upp með rannsóknarspurninguna: „Eru forsendur til staðar fyrir byggingu og rekstur á smáhúsum til leigu ásamt baðaðstöðu.“ Ótal dæmi eru um innsláttarvillur og hroðvirkni í textasmíði:Að lokum verður ferðaþjónustan skoðuð útfrá aðkomu stjórnvalda. Enn fremur verður ytra og innra umhverfi greinarinnar skoðað með tólum markaðsgreiningar. Markaðssetningu áfangastaða og mikilvægi þeirra. [...] „Einhverjar hræiringar hafa verið á veitingareksri í sveitinni og samkvæmt er tilkostnaður og fyrirhöfn mikil. [...]Að lokum var notast við nýtingarprósentu sem viðmælandi höfundar taldi vera ásættleg nýting fyrir hótel svo það teljist fýsileg fjárfesting. [...]Það er mat höfundar, eftir að hafa talað við hina ýmsu aðila innan ferðaþjónustunnar að það sé vöntun fyrir afþreyfingu, einhverju einu stoppi í viðbót við Gullna hringinn. Ortröðin á Geysi svæðinu er orðin svo mikið að, fólk úr sveitinni forðast það eins og eldinn að fara þangað yfir háannatímann. Grafalvarlegt brot að mati rektorsKristín Ingólfsdóttir, rektor Háskóla Íslands.Vísir/Anton Brink.„Háskólastarfsemi byggir á trausti. Ef rétt reynist í þessu tilviki og um misnotkun á trausti er að ræða þá verður tekið alvarlega á því,“ segir Kristín Ingólfsdóttir, rektor Háskóla Íslands, sem hefur fylgst með ritgerðarmálinu síðan hún frétti af því í fyrradag. „Málið hefur verið á borði viðskiptafræðideildar,“ segir Kristín, en bætir við að það gefi skólanum tilefni til þess að fara betur yfir verklagsreglur. „Við höfum að undanförnu innleitt hertar verklagsreglur varðandi réttindi og agaviðurlög stúdenta. Einnig höfum við gert það að nota kerfisbundið ritstuldarforrit en það er erfitt að verjast óheiðarleika þegar um er að ræða eigindlega aðferðafræði eins og virðist vera í þessu tilfelli,“ segir Kristín. Varðandi hvort um áfellisdóm sé að ræða fyrir Háskóla Íslands segist Kristín ekki telja að svo sé. „Ef rétt reynist er um grafalvarlegt brot að ræða. Hins vegar getur það ekki talist áfellisdómur fyrir heila stofnun að einn einstaklingur af fjórtán þúsund nemendum gerist brotlegur.“
Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Lögreglan vill ná tali af þremur mönnum Innlent Vinstribeygja inn á Bústaðaveg gæti heyrt sögunni til Innlent Sá blóðugan mann hlaupa út og árásarmanninn á eftir honum Innlent Stefnir Hödd vegna ásökunar um nauðgun Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Fleiri fréttir Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Sjá meira