Tony Blair græðir á tá og fingri

Tony Blair, fyrrum forsætisráðherra Bretlands, er ekki á flæðiskeri staddur en hagnaður ráðgjafafyrirtækis hans þrefaldaðist á árinu sem leið.

Fyrirtæki Blair heitir Windrush Ventures og hagnaðist það um 2,6 milljónir punda, 500 milljónir íslenskra króna, á síðasta ári, talsverð aukning frá 812 þúsund punda hagnaði fyrirtækisins frá árinu 2014.

Forsætisráðherran fyrrverandi starfrækir fyrirtæki og góðgerðarstarfsemi í um 20 löndum en Windrush Ventures er fyrirtækið sem sér um arðsamasta samning Blair til þessa en ráðgjafafyrirtæki Blair aðstoðar Nursultan Nazarbayev, forseta Kasakstan, í endurbótum á stjórnkerfi landsins.