Þingmenn jákvæðir varðandi afnám refsinga við vörslu fíkniefna Heimir Már Pétursson skrifar 15. mars 2016 19:30 Þingmenn sem tóku þátt í umræðum á Alþingi í dag voru almennt mjög hlynntir því að afnema refsingar fyrir vörslu neysluskammta af fíkniefnum. Innanríkisráðherra sagði þó mikilvægt að bíða niðurstöðu starfshóps heilbrigðisráðherra um sama mál. Sumir þingmenn vildu þó ganga lengra og lögleiða sölu fíkniefna. Upphafsmaður umræðuna, Valgerður Bjarnadóttir, vísaði til alþjóðlegrar ráðstefnu Snarrótarinnar samtaka um borgaraleg réttindi í fyrra, þar sem farið var yfir reynslu annarra þjóða. „Öllu þessu fólki sem þekkir þessa hluti gjörla bar saman um að þær aðferðir sem almennt eru notaðar í stríðinu við fíkniefnavandann skila engum árangri. Og bitna á þeim sem minnst mega sín, það er þeim sem eiga við fíkniefnavanda að stríða. Á meðan athyglinni er beint að neytendunum þá sleppa glæpamennirnir,“ sagði Valgerður. Reynsla þjóða eins og Portúgal sem hefði afnumið refsingar við vörslu fíkniefna og jafnvel lögleitt sumar tegundir fíkniefna væri sú að neyslan minnkaði. Talið væri að neðanjarðarhagkerfið hér á landi velti allt að 10 milljörðum. Þá ylli refsistefnan skaða á fólki og ekki drægi úr neyslunni.Til í að skoða reglur Ólöf Nordal innanríkisráðherra tók undir með að þetta væri að stórum hluta heilbrigðismál. Í dag væri horft til tveggja lagaflokka við ákvörðun refsinga í fíkniefnamálum, hegningarlaga og laga um ávana og fíkniefni og refsingar væru harðari í fyrri flokknum. Hún væri til að mynda til í að skoða reglur um sakavottorð og sakaskrá. „Og mér finnst ekkert ólíklegt að við skoðum einmitt þessa þætti reglanna þegar kemur að þessu samspili milli lögreglusáttar, skammta og síðan sakavottorðsins. Kanna hvort efni sé til að gera breytingar þar á,“ sagði Ólöf. Þingmenn allra flokka voru til í að slaka á reglum um refsingar við vörslu neysluskammta án lögleiðingar efnanna en aðrir vildu ganga lengra og lögleiða flest fíkniefni, einmitt vegna hættunnar af þeim. Guðmundur Steingrímsson þingmaður Bjartrar framtíðar sagði nauðsynlegt að draga þessi mál úr skúmaskotum þar sem verstu glæpirnir þrifust. „Fyrst og fremst er fólk hér að verða sjálfu sér að skaða og það eru miklir harmleikir. Við eigum að reyna að fá þessi mál sem mest upp á yfirborðið og gera þau að heilbrigðismáli,“ sagði Guðmundur. Helgi Hrafn Gunnarsson þingmaður Pírata sagðist vilja lögleiða öll fíkniefni einmitt vegna þess hvað þau væru hættuleg og láta af því stríði sem rekið hafi verið og ekki skilað árangri. „Og það eru vímuefnamálin, það eru alltaf vímuefnamálin sem eru langfyrirferðamest þegar kemur að inngripum í frelsi og réttindi borgaranna. Það eru vímuefnamál sem gera það að verkum að hleranir eru jafn tíðar og sjálfsagðar og raun ber vitni. Það eru vímuefnamál sem gera það að verkum að leit á fólki og í tjöldum þess og híbýlum þykir svo sjálfsögð og raun ber vitni,“ sagði Helgi Hrafn.Þjónusta Frú Ragnheiðar við sprautufíkla Þetta var um afnám refsinga við vörslu fíkniefna en mergur af sama meiði er þjónusta sem frú Ragnheiður, skaðaminnkunarverkefni Rauða krossins, veitir sprautufíklum. Dr. Helga Sif Friðjónsdóttir hjúkrunarfræðingur hjá verkefninu segir mikla þörf á þessari þjónustu. Til að mynda hafi notendum hennar fjölgað um 85 prósent frá janúar til desember 2015. Frú Ragnheiður er starfrækt í gömlum sjúkrabíl sem kemur reglulega við á nokkrum stöðum í Reykjavík. Þar geta sprautufíklar fengið hrein og örugg áhöld til neyslunnar sem og hjúkrunarþjónustu og ráðgjöf í heilsufarsmálum. Verkefnið miðar líka að því að koma í veg fyrir smit á ýmsum sjúkdómum eins og HIV og lifrabólgu. Alþingi Mest lesið Vandasöm andlitslömun sem greinist vikulega á Íslandi Innlent Sviku út tugi milljóna með því að þykjast vera Brad Pitt Erlent Erfið umræða sem fólk hafi veigrað sér við að taka Innlent Þarf ekki að skerða heitt vatn í vetur vegna nýrrar borholu Innlent Ein kært nauðgun og fjórar segjast hafa verið beittar ofbeldi Innlent Ringulreið á lánamarkaði Innlent „Þetta er ekki átak til einhverra daga eða vikna“ Innlent Forréttindi fyrir fámenna þjóð að hafa jafn öflugar flugsamgöngur Innlent Risavaxin mörgæs slær í gegn Erlent Efna til söfnunar fyrir móður Kolfinnu Eldeyjar Innlent Fleiri fréttir Þarf ekki að skerða heitt vatn í vetur vegna nýrrar borholu Erfið umræða sem fólk hafi veigrað sér við að taka Vandasöm andlitslömun sem greinist vikulega á Íslandi Forréttindi fyrir fámenna þjóð að hafa jafn öflugar flugsamgöngur „Þetta er ekki átak til einhverra daga eða vikna“ Skilur að fólk sé hugsi yfir mögulegum skyldleika við sæðisgjöf Úkraínumenn berjist með „aðra hönd bundna fyrir aftan bak“ Ringulreið á lánamarkaði Jódís fer fram gegn Guðmundi Inga í varaformann VG Býður sig ekki fram til formanns og styður Svandísi Ótti um allsherjarstríð, ringulreið á lánamarkaði og íslenskir sæðisgjafar „Vonumst til að sem flestir fari svo í óverðtryggð íbúðalán“ Söfnuðu um níu milljónum í minningu Bryndísar Klöru Leituðu á stóru svæði en fundu ekki fleiri hvítabirni Situr undir gelti, urri og að vera kölluð api Telja Ísland með „hættuleg viðhorf“ gagnvart Rússlandi Með mörg þúsund evrur af illa fengnu fé Íslendingur í Ísrael óskaði eftir aðstoð utanríkisráðuneytisins Brotist inn í tvær verslanir sömu nóttina Guðrún skýst upp fyrir Katrínu Vetrarfærð á fjallvegum norðaustanlands Ein kært nauðgun og fjórar segjast hafa verið beittar ofbeldi Kanna hvort fleiri bjarndýr leynist fyrir vestan Manndráp í Kiðjabergi komið til saksóknara Máttu vita að eiturlyfjasalinn þeirra væri að flytja inn eiturlyf Ungmenni í viðkvæmri stöðu hagnýtt í afbrot hér á landi Ógn Rússa við Norðurlönd og Eystrasaltsríki rædd í HR Efna til söfnunar fyrir móður Kolfinnu Eldeyjar Lögreglan segir hóp ungmenna hagnýttan í skipulagða brotastarfsemi Bíða gagna og tjá sig lítið um rannsóknina á meðan Sjá meira
Þingmenn sem tóku þátt í umræðum á Alþingi í dag voru almennt mjög hlynntir því að afnema refsingar fyrir vörslu neysluskammta af fíkniefnum. Innanríkisráðherra sagði þó mikilvægt að bíða niðurstöðu starfshóps heilbrigðisráðherra um sama mál. Sumir þingmenn vildu þó ganga lengra og lögleiða sölu fíkniefna. Upphafsmaður umræðuna, Valgerður Bjarnadóttir, vísaði til alþjóðlegrar ráðstefnu Snarrótarinnar samtaka um borgaraleg réttindi í fyrra, þar sem farið var yfir reynslu annarra þjóða. „Öllu þessu fólki sem þekkir þessa hluti gjörla bar saman um að þær aðferðir sem almennt eru notaðar í stríðinu við fíkniefnavandann skila engum árangri. Og bitna á þeim sem minnst mega sín, það er þeim sem eiga við fíkniefnavanda að stríða. Á meðan athyglinni er beint að neytendunum þá sleppa glæpamennirnir,“ sagði Valgerður. Reynsla þjóða eins og Portúgal sem hefði afnumið refsingar við vörslu fíkniefna og jafnvel lögleitt sumar tegundir fíkniefna væri sú að neyslan minnkaði. Talið væri að neðanjarðarhagkerfið hér á landi velti allt að 10 milljörðum. Þá ylli refsistefnan skaða á fólki og ekki drægi úr neyslunni.Til í að skoða reglur Ólöf Nordal innanríkisráðherra tók undir með að þetta væri að stórum hluta heilbrigðismál. Í dag væri horft til tveggja lagaflokka við ákvörðun refsinga í fíkniefnamálum, hegningarlaga og laga um ávana og fíkniefni og refsingar væru harðari í fyrri flokknum. Hún væri til að mynda til í að skoða reglur um sakavottorð og sakaskrá. „Og mér finnst ekkert ólíklegt að við skoðum einmitt þessa þætti reglanna þegar kemur að þessu samspili milli lögreglusáttar, skammta og síðan sakavottorðsins. Kanna hvort efni sé til að gera breytingar þar á,“ sagði Ólöf. Þingmenn allra flokka voru til í að slaka á reglum um refsingar við vörslu neysluskammta án lögleiðingar efnanna en aðrir vildu ganga lengra og lögleiða flest fíkniefni, einmitt vegna hættunnar af þeim. Guðmundur Steingrímsson þingmaður Bjartrar framtíðar sagði nauðsynlegt að draga þessi mál úr skúmaskotum þar sem verstu glæpirnir þrifust. „Fyrst og fremst er fólk hér að verða sjálfu sér að skaða og það eru miklir harmleikir. Við eigum að reyna að fá þessi mál sem mest upp á yfirborðið og gera þau að heilbrigðismáli,“ sagði Guðmundur. Helgi Hrafn Gunnarsson þingmaður Pírata sagðist vilja lögleiða öll fíkniefni einmitt vegna þess hvað þau væru hættuleg og láta af því stríði sem rekið hafi verið og ekki skilað árangri. „Og það eru vímuefnamálin, það eru alltaf vímuefnamálin sem eru langfyrirferðamest þegar kemur að inngripum í frelsi og réttindi borgaranna. Það eru vímuefnamál sem gera það að verkum að hleranir eru jafn tíðar og sjálfsagðar og raun ber vitni. Það eru vímuefnamál sem gera það að verkum að leit á fólki og í tjöldum þess og híbýlum þykir svo sjálfsögð og raun ber vitni,“ sagði Helgi Hrafn.Þjónusta Frú Ragnheiðar við sprautufíkla Þetta var um afnám refsinga við vörslu fíkniefna en mergur af sama meiði er þjónusta sem frú Ragnheiður, skaðaminnkunarverkefni Rauða krossins, veitir sprautufíklum. Dr. Helga Sif Friðjónsdóttir hjúkrunarfræðingur hjá verkefninu segir mikla þörf á þessari þjónustu. Til að mynda hafi notendum hennar fjölgað um 85 prósent frá janúar til desember 2015. Frú Ragnheiður er starfrækt í gömlum sjúkrabíl sem kemur reglulega við á nokkrum stöðum í Reykjavík. Þar geta sprautufíklar fengið hrein og örugg áhöld til neyslunnar sem og hjúkrunarþjónustu og ráðgjöf í heilsufarsmálum. Verkefnið miðar líka að því að koma í veg fyrir smit á ýmsum sjúkdómum eins og HIV og lifrabólgu.
Alþingi Mest lesið Vandasöm andlitslömun sem greinist vikulega á Íslandi Innlent Sviku út tugi milljóna með því að þykjast vera Brad Pitt Erlent Erfið umræða sem fólk hafi veigrað sér við að taka Innlent Þarf ekki að skerða heitt vatn í vetur vegna nýrrar borholu Innlent Ein kært nauðgun og fjórar segjast hafa verið beittar ofbeldi Innlent Ringulreið á lánamarkaði Innlent „Þetta er ekki átak til einhverra daga eða vikna“ Innlent Forréttindi fyrir fámenna þjóð að hafa jafn öflugar flugsamgöngur Innlent Risavaxin mörgæs slær í gegn Erlent Efna til söfnunar fyrir móður Kolfinnu Eldeyjar Innlent Fleiri fréttir Þarf ekki að skerða heitt vatn í vetur vegna nýrrar borholu Erfið umræða sem fólk hafi veigrað sér við að taka Vandasöm andlitslömun sem greinist vikulega á Íslandi Forréttindi fyrir fámenna þjóð að hafa jafn öflugar flugsamgöngur „Þetta er ekki átak til einhverra daga eða vikna“ Skilur að fólk sé hugsi yfir mögulegum skyldleika við sæðisgjöf Úkraínumenn berjist með „aðra hönd bundna fyrir aftan bak“ Ringulreið á lánamarkaði Jódís fer fram gegn Guðmundi Inga í varaformann VG Býður sig ekki fram til formanns og styður Svandísi Ótti um allsherjarstríð, ringulreið á lánamarkaði og íslenskir sæðisgjafar „Vonumst til að sem flestir fari svo í óverðtryggð íbúðalán“ Söfnuðu um níu milljónum í minningu Bryndísar Klöru Leituðu á stóru svæði en fundu ekki fleiri hvítabirni Situr undir gelti, urri og að vera kölluð api Telja Ísland með „hættuleg viðhorf“ gagnvart Rússlandi Með mörg þúsund evrur af illa fengnu fé Íslendingur í Ísrael óskaði eftir aðstoð utanríkisráðuneytisins Brotist inn í tvær verslanir sömu nóttina Guðrún skýst upp fyrir Katrínu Vetrarfærð á fjallvegum norðaustanlands Ein kært nauðgun og fjórar segjast hafa verið beittar ofbeldi Kanna hvort fleiri bjarndýr leynist fyrir vestan Manndráp í Kiðjabergi komið til saksóknara Máttu vita að eiturlyfjasalinn þeirra væri að flytja inn eiturlyf Ungmenni í viðkvæmri stöðu hagnýtt í afbrot hér á landi Ógn Rússa við Norðurlönd og Eystrasaltsríki rædd í HR Efna til söfnunar fyrir móður Kolfinnu Eldeyjar Lögreglan segir hóp ungmenna hagnýttan í skipulagða brotastarfsemi Bíða gagna og tjá sig lítið um rannsóknina á meðan Sjá meira