Conor byrjaður með sína eigin sjónvarpsþætti

Írinn Conor McGregor hugsar stórt. Þess vegna er hann byrjaður með sína eigin þætti sem hann kallar „The MacLife“.

Búið er að birta fyrstu klippuna þar sem hann er að boxa við fyrrum heimsmeistara IBF og IBO, Chris VanHeerdan.

Í þáttunum ætlar hann að hleypa áhorfendum nærri sér. Sýna þeim lífið sem hann lifir.

Miðað við áhugann sem almenningur hefur á Íranum skrautlega þá má búast við því að þættirnir slái í gegn.

Hér að ofan má sjá hann á boxæfingunni.