Lið Ragnars og Hjálmars áfram í Evrópudeildinni

Krasnodar og IFK Göteborg, lið íslensku varnarmannanna Ragnars Sigurðssonar og Hjálmars Jónssonar, komust í kvöld áfram í 4. umferð forkeppni Evrópudeildarinnar.

Ragnar og Hjálmar komu þó ekkert við sögu í leikjum liða sinna í kvöld en þeir sátu báðir allan tímann á varamannabekknum.

Krasnodar vann 3-1 sigur á Birkirkara frá Möltu á heimavelli og einvígið samanlagt 6-1.

Göteborg mætti finnska liðinu HJK og þurfti að snúa við 1-2 tapi í fyrri leiknum. Og sænska liðinu tókst ætlunarverk sitt en Göteborg vann 0-2 sigur á útivelli og einvígið því samanlagt 3-2.