Arnór Ingvi spilar í Evrópudeildinni

Arnór Ingvi Traustason mun spila með liði sínu, Rapid Vín, í Evrópudeildinni í vetur.

Rapid tapaði, 0-2, gegn Trencin í kvöld á heimavelli en það breytti engu þar sem Rapid vann fyrri leik liðanna 4-0 og vinnur því rimmuna, 4-2, samanlagt.

Það fór samt líklega um einhverja stuðningsmenn Rapid í leikhléi því þeirra menn voru frekar værukærir og voru lentir 0-2 undir fyrir hlé.

Arnór Ingvi var á sínum stað í liði Rapid á vinstri kantinum en fór af velli á 83. mínútu.