Bréf Icelandair ekki verið verið lægri síðan á sama tíma í fyrra

Verð á bréfum í Icelandair lækkaði lítillega í dag eða um 0,37 prósent. Verð á hlut í félaginu hefur fallið töluvert á árinu og er nú hið sama og fyrir ári síðan.

Verð á hlut er nú 26,9 en þann 24. ágúst 2015 var það 27,15. Það sem eftir lifði árs og á upphafsmánuðum ársins rokkaði gengið talsvert en það náði hápunkti undir lok aprílmánaðar. Þá stóð það í 38,9.

Síðasta skarpa dýfa bréfanna var undir lok júlímánaðar en þá lækkaði gengi þeirra umtalsvert eftir að félagið tilkynnti um breytta afkomuspá í kjölfar Brexit og aukinna hryðjuverka í Evrópu. Gert er ráð fyrir því að hagnaður verði rúmir 25 milljarðar en áður hafði verið gert ráð fyrir hagnaði upp á tæpa 29 milljarða.