Fyrsti sigur Puel með Southampton

Southampton vann í kvöld öruggan 3-0 sigur á Sparta Prag í fyrstu umferð riðlakeppni Evrópudeildar UEFA í kvöld en þetta var fyrsti Evrópuleikur félagsins í þrettán ár.

Þetta var um leið fyrsti sigur liðsins eftir að Claude Puel tók við sem knattspyrnustjóri en Southampton hefur farið illa af stað í ensku úrvalsdeildinni og er í átjánda sæti með tvö stig eftir fjórar umferðir.

Charlie Austin skoraði tvö mörk fyrir Southampton í kvöld, það fyrra eftir umdeilda vítaspyrnu. Jay Rodriguez skoraði svo þriðja mark heimamanna seint í leiknum.

Dusan Tadic gekk hart fram í leiknum þegar hann vildi taka vítaspyrnuna en fagnaði svo með Austin eftir að hann skoraði.