Reif gullkeðjuna af andstæðingi sínum | Myndband

Sérstakt atvik átti sér stað í leik Denver og Oakland í NFL-deildinni er varnarmaður Denver reif gullkeðju af hálsi sóknarmanns Oakland.

„Hann er búinn að vera með þessa keðju í allan vetur og hún hefur farið í taugarnar á mér. Ég sagði honum að ef hann ætlaði að veifa þessari keðju í andlitið á mér þá myndi ég rífa hana af. Hann mætti með keðjuna og því tók ég hana af honum,“ sagði Aqib Talib, varnarmaður Denver, eftir leikinn.

#Broncos CB Aqib Talib ripped off #Raiders WR Michael Crabtree's gold chainhttps://t.co/aSoWoBcK3h

— The Sports Daily (@SportsDailyBlog) January 1, 2017

Michael Crabtree, sóknarmaður Oakland, var ekki hrifinn af þessu uppátæki Talib.

„Ég má ekki svara fyrir mig. Þá er ég sendur í bað og er vondi kallinn. Þetta er bara hallærislegur leikur hjá Aqib. Þykist vera rosa harður. Stelur keðjunni og hleypur svo í burtu. Þetta er bara barnalegt.“