Er Monchi sá besti í sínu starfi í fótboltaheiminum í dag?

Sevilla varð að sætta sig við tap á móti Leicester City í Meistaradeildinni í vikunni en það er svo sannarlega ekkert tap á rekstri félagsins síðan að félagið réð Ramón Rodríguez Verdejo til starfa.

Þvert á móti hefur Ramón Rodríguez Verdejo, oftast kallaður Monchi, grætt ótrúlegar upphæðir á því að kaupa leikmenn ódýrt og selja þá síðan fyrir miklu meiri pening til stærri félaga í Evrópu.

Monchi hefur á sama tíma byggt upp knattspyrnuakademíu félagsins og þrátt fyrir að þurfa alltaf að selja sína bestu leikmenn hefur Sevilla tekist að halda sér í hópi bestu liða Spánar og vann meðal annars Evrópudeildina þrjú undanfarin ár.

Það kemur enginn Evróputitil til Sevilla í ár þökk sé Englandsmeisturum Leicester City en liðið er í þriðja sæti í spænsku deildinni og það koma því nær örugglega fleiri Evrópukvöld á næsta tímabili.  

Monchi kom til Sevilla fyrir sautján árum þegar liðið var í spænsku b-deildinni. Liðið fór upp á fyrsta ári og hefur síðan aldrei verið neðar en í tíunda sæti í spænsku deildinni auk þess að vinna Evrópudeildina fimm sinnum og spænska konungsbikarinn tvisvar sinnum.

Fólkið á Squawka.com tók saman þrettán ótrúleg viðskipti Monchi með leikmenn í stöðu sinni sem framkvæmdastjóri Sevilla. Spænska félagið hefur grætt tæpar 136 milljónir punda á því að selja þessa þrettán leikmenn eða um átján milljarða íslenskra króna.

Það má sjá þessa þrettán leikmenn hér fyrir neðan en eins er hægt að lesa meira um þá alla í féttinni á Squawka-síðunni.

Dani Alves

Keyptur frá: Bahia (2002)

Verð: 413 þúsund pund

Seldur til: Barcelona (2008)

Verð: 26,63 milljónir punda

Julio Baptista

Keyptur frá: Sao Paulo (2003)

Verð: 2,63 milljónir punda

Seldur til: Real Madrid (2005)

Verð: 15 milljónir punda

Adriano

Keyptur frá: Coritiba (2004)

Verð: 1,88 milljónir punda

Seldur til: Barcelona (2010)

Verð: 7,13 milljónir punda

Federico Fazio

Keyptur frá: Ferro Carril (2006)

Verð: 600 þúsund pund

Seldur til: Tottenham Hotspur (2014)

Verð: 7,5 milljónir punda

Christian Poulsen

Kom frá: Schalke 04 (2006)

Verð: Frjáls sala

Seldur til: Juventus (2008)

Verð: 7,31 milljónir punda

Seydou Keita

Keyptur frá: Lens (2007)

Verð: 3 milljónir punda

Seldur til: Barcelona (2008)

Verð: 10,5 milljónir punda

Alvaro Negredo

Keyptur frá: Real Madrid (2009)

Verð: 11,75 milljónir punda

Seldur til: Manchester City (2013)

Verð: 18,75 milljónir punda

Gary Medel

Keyptur frá: Universidad Católica (2011)

Verð: 2,25 milljónir punda

Seldur til: Cardiff City (2013)

Verð: 9,75 milljónir punda

Ivan Rakitic

Keyptur frá: Schalke (2010)

Verð: 1,88 milljónir punda

Seldur til: Barcelona (2014)

Verð: 13,5 milljónir punda

Martin Caceres

Keyptur frá: Barcelona (2011)

Verð: 2,25 milljónir punda

Seldur til: Juventus (2012)

Verð: 6 milljónir punda

Geoffrey Kondogbia

Keyptur frá: Lens (2012)

Verð: 3 milljónir punda

Seldur til: Mónakó (2013)

Verð: 15 milljónir punda

Carlos Bacca

Keyptur frá: Club Brugge (2013)

Verð: 5,25 milljónir punda

Seldur til: AC Milan (2015)

Verð: 22,5 milljónir punda

Aleix Vidal

Keyptur frá: Almeria (2014)

Verð: 2,25 milljónir punda

Seldur til: Barcelona (2015)

Verð: 12,75 milljónir punda

Leikmenn keyptir fyrir: 36.353.000 punda

Leikmenn seldir fyrir: 172.320.000 punda

Gróði: 135.967.000 punda