Lækka launin um milljarð? Ekkert mál

Tyrod Taylor langaði svo mikið að halda áfram að spila með Buffalo Bills í NFL-deildinni að hann samþykkti að lækka laun sín verulega.

Nánar tiltekið um 10 milljónir dollara eða 1,1 milljarð króna.

Það þýðir þó ekki að Taylor muni lepja dauðann úr skel því hann fær 30,5 milljónir dollara fyrir næstu tvö ár eða 3,4 milljarða króna.

Buffalo ætlaði að losa sig við leikmanninn sem er sagður hafa verið hræddur um að fá ekki betri samning annars staðar. Því hafi hann sætt sig við þessa launalækkun.