Hélt að þetta væri viðbjóðslegur símahrekkur

Unnusta Aaron Hernandez tjáði Dr. Phil að hún hélt að símtal frá fangelsi unnustans, þar sem henni var tjáð að Hernandez hefði hengt sig, væri símahrekkur.

Shayanna Jenkins-Hernandez ákvað að setjast niður með bandaríska sjónvarpsmanninum og létta af sér. Viðtalið verður sýnt í tveimur þáttum.

Hún á fjögurra ára gamla dóttur með Hernandez. Þau voru ekki gift en hún tók samt upp eftirnafn hans.

„Er við töluðum saman í síðasta skipti þá var ekkert rætt um að hann væri í sjálfsvígshugleiðingum. Er ég fékk símtalið þá hélt að ég einhver illa innrættur einstaklingur væri að gera grín í mér. Að þetta væri viðbjóðslegur símahrekkur,“ sagði Shayanna.

„Mér fannst hlutirnir vera að lagast. Við vorum að fara upp stigann í átt að einhverju jákvæðara.“