Elliott kominn í sex leikja bann

Áfrýjunardómstóll úrskurðaði í gær að NFL-deildin geti sett hlaupara Dallas Cowboys, Ezekiel Elliott, í sex leikja bann.

Elliott var upprunalega dæmdur í bannið vegna ásakanna um heimilisofbeldi. Hlauparinn kærði þann úrskurð og hefur því fengið að spila með Kúrekunum í upphafi leiktíðar á meðal málið veltist um í kerfinu.

Í gær kom svo nýjasti úrskurðurinn og NFL-deildin gaf það í kjölfarið út að bann Elliott tæki strax gildi. Það mun halda svo lengi sem Elliott reyni ekki að áfrýja á nýjan leik.

Lögfræðingateymi Elliott er aftur á móti ekki búið að gefast upp og er að skoða alla möguleika í framhaldinu.

Það er því alls ekki víst að Elliott fari strax í bann en Cowboys á næst leik þann 22. október.