Drottningin kom út og virti blómahafið fyrir sér

Margrét Þórhildur Danadrottning kom út í hallargarð Fredenborgarhallar um miðjan dag í dag til að virða fyrir sér blómin, vendina og kortin sem hafði verið komið þar fyrir til minningar um Hinrik prins sem andaðist í gærkvöldi.

Drottningin var klædd síðri svartri kápu og heilsaði þar upp á þá sem höfðu lagt leið sína þangað.

Jóakim, yngri sonur Margrétar og Hinriks, og Marie, eiginkona hans, höfðu skömmu áður yfirgefið Fredensborgarhöll sem er norðarlega á Sjálandi.

Sjá má myndband af Margréti Þórhildi í hallargarðinum að neðan.