Sjáðu frábært innslag um komu Vikings til Íslands

Fyrir rúmu ári síðan komu þrír leikmenn frá NFL-liði Minnesota Vikings til Íslands til þess að kynnast íslenskri mennningu og ekki síst til þess að fræðast frekar um Víkingaklappið.

Bandarísku víkingarnir hafa nefnilega fengið klappið lánað og taka það óspart á heimaleikjum liðsins. Hefur það slegið í gegn og leikmenn elska það sem og stuðningsmenn.

Leikmennirnir sem mættu voru þeir Kyle Rudolph, Linval Joseph og Danielle Hunter. Með í för var tökulið frá Vikings sem hefur nú gefið út myndband af Íslandsförinni.

Sjá má innslagið að neðan.