Ástralskur verjandi var uppljóstrari lögreglu um árabil

Óljóst er hvað verður um mörg hundruð sakfellingardóma í Ástralíu eftir að upp komst að verjandinn í umræddum málum hafi starfað sem uppljóstrari lögreglu.

Ástralskir fjölmiðlar greina frá því að lögmaðurinn, sem starfar í Melbourne og „gætti hagsmuna“ fjölda vel þekktra glæpamanna, hafi um árabil komið upplýsingum um hina ákærðu í hendur lögreglu í Viktoríu-ríki.

Lögregla í Ástralíu á að hafa um tveggja ára skeið reynt að koma í veg fyrir að yfirvöld greini skjólstæðingum lögmannsins frá því að hann hafi starfað sem uppljóstrari. Hæstiréttur landsins hefur hins vegar nú úrskurðað að það stangist á við grundvallargildi réttarríkisins.

Verjandinn var uppljóstrari lögreglu á árunum 2005 til 2009 og var þá í daglegum samskiptum við lögreglu, að því er fram kemur í dómsskjölum. Skjólstæðingum verjandans verður nú gert kunnugt um hátterni hans og gefinn kostur á að áfrýja dómum sínum.

Lögmaðurinn á að hafa komið upplýsingum hendur lögreglu í allt að 386 málum, þar á meðal máli hins aldæmda eiturlyfjabaróns Tony Mokbel.