Rúnar Alex og félagar í góðri stöðu fyrir seinni leikinn

Rúnar Alex Rúnarsson stóð á milli stanganna hjá Dijon sem gerði 1-1 jafntefli við Lens í fyrri leik liðanna í umspili um sæti í frönsku úrvalsdeildinni á næsta tímabili.

Dijon endaði í 18. sæti úrvalsdeildarinnar en Lens í 5. sæti B-deildarinnar. Lens vann svo Paris FC og Tryoes í umspili.

Lens komst yfir á 49. mínútu í leiknum í kvöld þegar Jean-Ricner Bellegarde skoraði eftir að hafa sloppið inn fyrir vörn Dijon.

Gestirnir jöfnuðu níu mínútum fyrir leikslok. Þar var að verki Suður-Kóreumaðurinn Chang-Hoon Kwon. Lokatölur 1-1.

Seinni leikurinn fer fram á heimavelli Dijon á sunnudaginn.