Stjórn bandaríska flugvélaframleiðandans Boeing hefur ákveðið að skipta um forstjóra. Dennis Muilenburg hættir sem forstjóri fyrirtækisins og David L. Calhoun, sem verið hefur stjórnarformaður Boeing, verður forstjóri. Hann tekur við starfinu þann 13. janúar næstkomandi.
Í yfirlýsingu frá Boeing segir að stjórnin hafi ákveðið að nauðsynlegt væri að gera breytingar á yfirstjórn fyrirtækisins til að auka traust á félaginu.
Forstjóraskiptin koma aðeins viku eftir að Boeing tilkynnti að það stöðva framleiðslu MAX-vélanna sem hafa verið kyrrsettar um heim allan frá því í mars.
Í yfirlýsingunni heitir fyrirtækið því að starfa á gagnsæjan hátt með bandarískum flugmálayfirvöldum sem og flugmálayfirvöldum í öðrum ríkjum sem og viðskiptavinum sínum.
Fréttin hefur verið uppfærð.
Fram
Haukar
