Óskar Sverrisson valinn í íslenska landsliðið

Sex leikmenn sem hafa ekki áður verið valdir í íslenska landsliðið eru í hópnum sem mætir Kanada og El Salvador í Bandaríkjunum í næsta mánuði.

Þeirra á meðal er Óskar Sverrisson, 27 ára vinstri bakvörður Häcken. Hann á íslenskan föður en er fæddur og uppalinn í Svíþjóð.

Hinir nýliðarnir eru markverðirnir Elías Rafn Ólafsson og Patrik Sigurður Gunnarsson, varnarmennirnir Ari Leifsson og Alfons Sampsted og miðjumaðurinn Höskuldur Gunnlaugsson.

Auk þeirra er Daníel Leó Grétarsson í hópnum. Hann hefur áður verið valinn en hefur ekki enn spilað landsleik.

Allir leikmennirnir í íslenska hópnum leika á Norðurlöndunum fyrir utan Hólmar Örn Eyjólfsson, leikmann Levski Sofia í Búlgaríu.

Emil Hallfreðsson er í hópnum en hann er enn án félags. Birkir Már Sævarsson er einnig í hópnum.

Ísland mætir Kanada 15. janúar og El Salvador fjórum dögum síðar.

Markverðir

Elías Rafn Ólafsson (2000) - FC Midtjylland (3 U21 leikir)

Patrik Sigurður Gunnarsson (2000) - Brentford (7 U21 leikir)

Hannes Þór Halldórsson (1984) - Valur (67 A leikir)

Varnarmenn 

Kári Árnason (1982) - Víkingur (81 A leikur, 6 mörk) 

Hólmar Örn Eyjólfsson (1990) - Levski Sofia (12 A leikir, 1 mark)

Daníel Leó Grétarsson (1995) - Aalesund (6 U21 leikir, 1 mark) 

Birkir Már Sævarsson (1984) - Valur (90 A leikir, 1 mark) 

Davíð Kristján Ólafsson (1995) - Aalesund (1 A leikur)

Ari Leifsson (1998) - Fylkir (14 U21 leikir, 1 mark) 

Oskar Sverrisson (1992) - BK Häcken

Alfons Sampsted (1998) - Norrköping (26 U21 leikur, 1 mark)

Miðjumenn 

Samúel Kári Friðjónsson (1996) - Viking Stavanger (8 A landsleikir)

Jón Dagur Þorsteinsson (1998) - AGF (3 A leikir, 1 mark) 

Mikael Neville Anderson (1998) - FC Midtjylland (3 A leikir) 

Aron Elís Þrándarson (1994) - OB (3 A leikir)

Alex Þór Hauksson (1999) - Stjarnan (1 A leikur) 

Emil Hallfreðsson (1984) - (71 A leikur, 1 mark)

Höskuldur Gunnlaugsson (1994) - Breiðablik (7 U21 leikir, 2 mörk)

Tryggvi Hrafn Haraldsson (1996) - ÍA (3 A leikir, 1 mark)

Sóknarmenn 

Kristján Flóki Finnbogason (1995)- KR (4 A leikir, 1 mark)

Óttar Magnús Karlsson (1997) - Víkingur (7 A leikir, 2 mörk)

Kjartan Henry Finnbogason (1986) - Vejle 11 A leikir, 2 mörk) 

Kolbeinn Sigþórsson (1990) - AIK (56 A leikir, 26 mörk)