Bíll ferðamanna hafnaði utan vegar í blindbyl við Pétursey Kristín Ólafsdóttir skrifar 13. febrúar 2020 21:39 Skyggni er afar slæmt á svæðinu líkt og sést í þessu skjáskoti úr myndbandinu. Skjáskot Ferðamenn óku bíl sínum út af þjóðveginum við Pétursey, nálægt Sólheimasandi, um sjöleytið í kvöld. Atvikið náðist á myndband, sem sjá má neðar í fréttinni, en skyggni var afar slæmt á svæðinu og mjög hvasst. Gert er ráð fyrir ofsaveðri á Suðurlandi á morgun. Rauð viðvörun Veðurstofunnar tekur gildi á svæðinu klukkan fimm, en örlítið síðar á höfuðborgarsvæðinu, Faxaflóa og Suðausturlandi. Nú er búið að loka þjóðvegi 1 á milli Seljalandsfoss og Víkur í Mýrdal en lögreglumaður sagði í samtali við Vísi nú á níunda tímanum að þegar væri brostinn á „glórulaus blindbylur“ á svæðinu. „Það sást ekki neitt“ Vísir náði tali af Stefáni Pétri Gunnarssyni leiðsögumanni á tíunda tímanum í kvöld en hann var á leið heim úr vinnunni ásamt félögum sínum um kvöldmatarleytið þegar bíllinn fyrir framan þá hafnaði utan vegar. Eins og sést í myndbandi af atvikinu, sem félagi Stefáns Péturs í aftursætinu tók upp á símann sinn, var skyggni afar slæmt, hvass vindur, mikill skafrenningur og dimmt. Ökumaður bílsins virðist missa sjónar af veginum og byrjar að sveigja út í kant, sem endar að lokum með því að bílnum er ekið út af. Þá virðist ökumaðurinn hafa áttað sig á því nokkru áður að hann væri í ógöngum því aðvörunarljós blikka á bílnum. „Það var ekkert ógeðslega mikið rok en snjórinn var rosalega þurr og léttur, þannig að það þurfti lítið til að hreyfa við honum. En á tímabili sáum við ekki á milli stikna og áttum erfitt með að sjá götuna. Þetta var alveg gerlegt fyrir þá sem eru vanir að keyra í vondu veðri en þú þarft að fara rosalega rólega og varlega,“ segir Stefán Pétur. „Bíllinn var bara fyrir framan okkur og allt í einu fór hann inn á hinn vegarhelminginn og tók svo vinkilbeygju út af. Þetta leit út eins og einbeittur brotavilji en það sem gerist er að hann sér ekki næstu stiku, það sást ekki neitt, og veit ekkert hvar vegurinn er – og keyrir bara út af. Sem betur fer var enginn bíll að koma á móti. Maður sá bílana sem komu á móti um tveimur sekúndum áður.“ Með halarófu á eftir sér Stefán Pétur segir að þeir félagar hafi aðstoðað fólkið, erlenda ferðamenn, en lítið náð að ræða við það. Hann vissi því ekki hvort það hefði verið meðvitað um veðurviðvaranirnar sem gefnar hafa verið út í aðdraganda óveðursins. Engan sakaði við óhappið. „Annar af félögum mínum tveimur sem var með mér fór inn í bílinn og keyrði hann aftur upp á veg. Og við sögðum þeim að fylgja ljósunum okkar og í gegnum mesta blindbylinn var halarófa á eftir okkur allan tímann, sem er bara vel. Síðan nokkrum mínútum síðar mættum við björgunarsveitinni þannig að þeir hafa verið komnir á ferðina, eitthvað að vasast, og líka halarófan á eftir þeim.“ Davíð Már Björgvinsson upplýsingafulltrúi Landsbjargar segir í samtali við Vísi að rólegt hafi verið hjá björgunarsveitum framan af kvöldi. Þær hafi komið til aðstoðar á Suðurlandi áður en þjóðveginum var lokað. Þá hafa björgunarsveitir á Vestfjörðum aðstoðað ökumenn bíla á Gemlufallsheiði. Á morgun er gert ráð fyrir miklu hvassviðri og hættulegum vindhviðum við fjöll á Suðurlandi, staðbundið yfir 55 m/s, einkum undir Eyjafjöllum, við Ingólfsfjall og á heiðum. Snjókoma með köflum og mikill skafrenningur líklegur. Fylgjast má með nýjustu tíðindum af veðrinu í veðurvakt Vísis hér. Mýrdalshreppur Óveður 14. febrúar 2020 Veður Tengdar fréttir Strekkingsvindur mun væntanlega virðast sem logn eftir sprengilægðina Lægðin sem valda mun miklu óveðri um land allt á morgun er nú stödd 850 kílómetra austur af Nýfundnalandi. 13. febrúar 2020 07:04 Ákveðið að fresta Milljarði rís Óveðrið sem spáð er á landinu öllu frá miðnætti hefur sín áhrif. 13. febrúar 2020 11:55 Mest lesið Senda þjóðinni „skýr skilaboð“ á óróatímum Innlent Bassi Maraj sakfelldur fyrir líkamsárás Innlent Vilja ábendingar um „kettlingamyllur“ og síendurtekin got Innlent 33 ára sósíalisti hafði betur gegn Cuomo í New York Erlent Segja manninn hafa glímt við alvarleg veikindi Innlent Var ekki með réttindi til að aka hjólinu sem átti ekki að vera í umferð Innlent Rangstæð valkyrja sem skilji ekki frumvarpið Innlent Flagga íslenska þjóðfánanum í ólöglegri göngu Innlent Sjúkratryggingar réðu illa við læknana í Reykjavík Innlent Skildi ekki hvers vegna kennarinn var ekki rekinn Innlent Fleiri fréttir Gæsluvarðhald aftur framlengt um fjórar vikur Var ekki með réttindi til að aka hjólinu sem átti ekki að vera í umferð Bassi Maraj sakfelldur fyrir líkamsárás Lokanir á brúnni yfir Jökulsá í kvöld Rangstæð valkyrja sem skilji ekki frumvarpið Flagga íslenska þjóðfánanum í ólöglegri göngu Læknasamningur gæti orðið hvati að oflækningum Sjúkratryggingar fagna skýrslu Ríkisendurskoðunar Sjúkratryggingar réðu illa við læknana í Reykjavík Benedikt nýr skólameistari VMA Meirihluti vill stöðva málþóf á Alþingi Vilja ábendingar um „kettlingamyllur“ og síendurtekin got Verður nýr skólameistari á Húsavík Senda þjóðinni „skýr skilaboð“ á óróatímum Skildi ekki hvers vegna kennarinn var ekki rekinn Ræddu veiðigjöldin til að ganga hálf fjögur Slagsmál á hóteli í miðborginni Margir í vandræðum vegna of skyggðra rúðna Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Segja manninn hafa glímt við alvarleg veikindi Reiður Trump, fiskeldisáform í Eyjafirði og fjölbragðaglíma Efla samstarf Háskóla Íslands og Íslenskrar erfðagreiningar Vilja bjóða út eftirlit en meirihlutanum líst ekkert á það Stuðningur við veiðigjaldafrumvarpið dregst saman Ekki um sama þvott að ræða í Björg og Fönn Páll skipstjóri krefur Ríkisútvarpið um milljónir króna „Þetta rugl í Kastljósi í gær af hálfu forsætisráðherra er skammarlegt“ Vopnahlé í Miðausturlöndum í hættu og veiðigjöldin enn til umræðu Eldur í tveimur taugrindum Sektaður um 240 þúsund fyrir að halda sauðfé í Grindavík Sjá meira
Ferðamenn óku bíl sínum út af þjóðveginum við Pétursey, nálægt Sólheimasandi, um sjöleytið í kvöld. Atvikið náðist á myndband, sem sjá má neðar í fréttinni, en skyggni var afar slæmt á svæðinu og mjög hvasst. Gert er ráð fyrir ofsaveðri á Suðurlandi á morgun. Rauð viðvörun Veðurstofunnar tekur gildi á svæðinu klukkan fimm, en örlítið síðar á höfuðborgarsvæðinu, Faxaflóa og Suðausturlandi. Nú er búið að loka þjóðvegi 1 á milli Seljalandsfoss og Víkur í Mýrdal en lögreglumaður sagði í samtali við Vísi nú á níunda tímanum að þegar væri brostinn á „glórulaus blindbylur“ á svæðinu. „Það sást ekki neitt“ Vísir náði tali af Stefáni Pétri Gunnarssyni leiðsögumanni á tíunda tímanum í kvöld en hann var á leið heim úr vinnunni ásamt félögum sínum um kvöldmatarleytið þegar bíllinn fyrir framan þá hafnaði utan vegar. Eins og sést í myndbandi af atvikinu, sem félagi Stefáns Péturs í aftursætinu tók upp á símann sinn, var skyggni afar slæmt, hvass vindur, mikill skafrenningur og dimmt. Ökumaður bílsins virðist missa sjónar af veginum og byrjar að sveigja út í kant, sem endar að lokum með því að bílnum er ekið út af. Þá virðist ökumaðurinn hafa áttað sig á því nokkru áður að hann væri í ógöngum því aðvörunarljós blikka á bílnum. „Það var ekkert ógeðslega mikið rok en snjórinn var rosalega þurr og léttur, þannig að það þurfti lítið til að hreyfa við honum. En á tímabili sáum við ekki á milli stikna og áttum erfitt með að sjá götuna. Þetta var alveg gerlegt fyrir þá sem eru vanir að keyra í vondu veðri en þú þarft að fara rosalega rólega og varlega,“ segir Stefán Pétur. „Bíllinn var bara fyrir framan okkur og allt í einu fór hann inn á hinn vegarhelminginn og tók svo vinkilbeygju út af. Þetta leit út eins og einbeittur brotavilji en það sem gerist er að hann sér ekki næstu stiku, það sást ekki neitt, og veit ekkert hvar vegurinn er – og keyrir bara út af. Sem betur fer var enginn bíll að koma á móti. Maður sá bílana sem komu á móti um tveimur sekúndum áður.“ Með halarófu á eftir sér Stefán Pétur segir að þeir félagar hafi aðstoðað fólkið, erlenda ferðamenn, en lítið náð að ræða við það. Hann vissi því ekki hvort það hefði verið meðvitað um veðurviðvaranirnar sem gefnar hafa verið út í aðdraganda óveðursins. Engan sakaði við óhappið. „Annar af félögum mínum tveimur sem var með mér fór inn í bílinn og keyrði hann aftur upp á veg. Og við sögðum þeim að fylgja ljósunum okkar og í gegnum mesta blindbylinn var halarófa á eftir okkur allan tímann, sem er bara vel. Síðan nokkrum mínútum síðar mættum við björgunarsveitinni þannig að þeir hafa verið komnir á ferðina, eitthvað að vasast, og líka halarófan á eftir þeim.“ Davíð Már Björgvinsson upplýsingafulltrúi Landsbjargar segir í samtali við Vísi að rólegt hafi verið hjá björgunarsveitum framan af kvöldi. Þær hafi komið til aðstoðar á Suðurlandi áður en þjóðveginum var lokað. Þá hafa björgunarsveitir á Vestfjörðum aðstoðað ökumenn bíla á Gemlufallsheiði. Á morgun er gert ráð fyrir miklu hvassviðri og hættulegum vindhviðum við fjöll á Suðurlandi, staðbundið yfir 55 m/s, einkum undir Eyjafjöllum, við Ingólfsfjall og á heiðum. Snjókoma með köflum og mikill skafrenningur líklegur. Fylgjast má með nýjustu tíðindum af veðrinu í veðurvakt Vísis hér.
Mýrdalshreppur Óveður 14. febrúar 2020 Veður Tengdar fréttir Strekkingsvindur mun væntanlega virðast sem logn eftir sprengilægðina Lægðin sem valda mun miklu óveðri um land allt á morgun er nú stödd 850 kílómetra austur af Nýfundnalandi. 13. febrúar 2020 07:04 Ákveðið að fresta Milljarði rís Óveðrið sem spáð er á landinu öllu frá miðnætti hefur sín áhrif. 13. febrúar 2020 11:55 Mest lesið Senda þjóðinni „skýr skilaboð“ á óróatímum Innlent Bassi Maraj sakfelldur fyrir líkamsárás Innlent Vilja ábendingar um „kettlingamyllur“ og síendurtekin got Innlent 33 ára sósíalisti hafði betur gegn Cuomo í New York Erlent Segja manninn hafa glímt við alvarleg veikindi Innlent Var ekki með réttindi til að aka hjólinu sem átti ekki að vera í umferð Innlent Rangstæð valkyrja sem skilji ekki frumvarpið Innlent Flagga íslenska þjóðfánanum í ólöglegri göngu Innlent Sjúkratryggingar réðu illa við læknana í Reykjavík Innlent Skildi ekki hvers vegna kennarinn var ekki rekinn Innlent Fleiri fréttir Gæsluvarðhald aftur framlengt um fjórar vikur Var ekki með réttindi til að aka hjólinu sem átti ekki að vera í umferð Bassi Maraj sakfelldur fyrir líkamsárás Lokanir á brúnni yfir Jökulsá í kvöld Rangstæð valkyrja sem skilji ekki frumvarpið Flagga íslenska þjóðfánanum í ólöglegri göngu Læknasamningur gæti orðið hvati að oflækningum Sjúkratryggingar fagna skýrslu Ríkisendurskoðunar Sjúkratryggingar réðu illa við læknana í Reykjavík Benedikt nýr skólameistari VMA Meirihluti vill stöðva málþóf á Alþingi Vilja ábendingar um „kettlingamyllur“ og síendurtekin got Verður nýr skólameistari á Húsavík Senda þjóðinni „skýr skilaboð“ á óróatímum Skildi ekki hvers vegna kennarinn var ekki rekinn Ræddu veiðigjöldin til að ganga hálf fjögur Slagsmál á hóteli í miðborginni Margir í vandræðum vegna of skyggðra rúðna Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Segja manninn hafa glímt við alvarleg veikindi Reiður Trump, fiskeldisáform í Eyjafirði og fjölbragðaglíma Efla samstarf Háskóla Íslands og Íslenskrar erfðagreiningar Vilja bjóða út eftirlit en meirihlutanum líst ekkert á það Stuðningur við veiðigjaldafrumvarpið dregst saman Ekki um sama þvott að ræða í Björg og Fönn Páll skipstjóri krefur Ríkisútvarpið um milljónir króna „Þetta rugl í Kastljósi í gær af hálfu forsætisráðherra er skammarlegt“ Vopnahlé í Miðausturlöndum í hættu og veiðigjöldin enn til umræðu Eldur í tveimur taugrindum Sektaður um 240 þúsund fyrir að halda sauðfé í Grindavík Sjá meira
Strekkingsvindur mun væntanlega virðast sem logn eftir sprengilægðina Lægðin sem valda mun miklu óveðri um land allt á morgun er nú stödd 850 kílómetra austur af Nýfundnalandi. 13. febrúar 2020 07:04
Ákveðið að fresta Milljarði rís Óveðrið sem spáð er á landinu öllu frá miðnætti hefur sín áhrif. 13. febrúar 2020 11:55