Sjáðu mörkin, víta­­­­­spyrnu­­­keppnina og at­vikið um­deilda er Valur féll úr leik

Valur er úr leik í Meistaradeild kvenna eftir að hafa tapað gegn skoska liðinu Glasgow City í vítaspyrnukeppni í dag.

Liðin mættust á Origovellinum í 2. umferð Meistaradeildarinnar en sigurliðið færi áfram í 32-liða úrslitin.

Skotarnir komust yfir með marki eftir darraðadans í fyrri hálfleik og þannig stóðu leikar allt þangað til á 79. mínútu er Mist Edvardsdóttir skoraði eftir hornspyrnu.

Framlengja þurfti leikinn en á 117. mínútu vildu Valsstúlkur fá vítaspyrnu og höfðu töluvert til síns máls. Ekkert var þó dæmt og 1-1 eftir framlenginguna.

Úrslitin réðust því í vítaspyrnukeppni þar sem Skotarnir höfðu betur þrátt fyrir nokkrar frábærar markvörslur Söndru Sigurðardóttur.

Allt það helsta úr leiknum má sjá hér að neðan.