Diego Maradona er látinn Kolbeinn Tumi Daðason og Sindri Sverrisson skrifa 25. nóvember 2020 16:32 Eftirminnilegasta mark HM frá upphafi er líklega mark Maradona frá 1986 þegar hann sólaði upp allann völlinn. Getty Images Argentínski knattspyrnukappinn Diego Armando Maradona er látinn sextugur að aldri. Maradona lést af völdum hjartaáfalls. Þriggja daga þjóðarsorg hefur verið lýst yfir í Argentínu. Maradona er af flestum talinn einn besti ef ekki besti knattspyrnumaður allra tíma. Hann varð heimsmeistari með Argentínu árið 1986 þar sem segja má að frægðarsól hans hafi skinið hvað skærast. Á mótinu sem fram fór í Mexíkó skoraði Maradona sín frægustu mörk, í 2-1 sigri á Englandi í átta liða úrslitum keppninnar. Hið fyrra með hendi, hendi guðs eins og hann sagði sjálfur. Hið síðara eftir mikinn einleik. Maradona leiddi argentínska landsliðið alla leið í úrslitaleikinn á HM á Ítalíu 1990. Segja má að hann hafi spilað á heimavelli í keppninni enda þáverandi leikmaður Napólí í samnefndri ítalskri borg í suðurhluta landsins. Með Napólí varð hann meðal annars tvívegis ítalskur meistari og vann UEFA-bikarinn. Hann er í guðatölu hjá félaginu sem hvorki fyrr né síðar hefur unnið ítalska meistaratitilinn. Nothing sums up Maradona better than the streets of Naples. Every working-class district has its homage to him, decades after he left Napoli. The People s Champ. pic.twitter.com/h59tfVqZBH— Ronan Burtenshaw (@ronanburtenshaw) November 25, 2020 Hann skoraði 34 mörk í 91 landsleik fyrir þjóð sína. Gerðist þjálfari Maradona spilaði með Argentinos Juniors, Boca Juniors, Napólí og Barcelona og átti aðdáendur um allan heim. Örvfætti smávaxni snillingurinn sneri sér að þjálfun síðar á ferlinum og stýrði meðal annars argentínska landsliðinu og landsliði Argentínu skipað leikmönnum yngri en tuttugu ára. Diego Maradona glaðbeittur í stúkunni á leik Argentínu og Íslands á HM í Rússlandi 2018.Getty/ Ian MacNicol Reyndar kom Maradona nokkuð víða við sem þjálfari félagsliða, í heimlandi sínu, Saudí Arabíu og Mexíkó, en entist yfirleitt ekki lengi í starfi. Fjölmargir minnast fallinnar knattspyrnuhetju, þeirra á meðal Pelé og Gary Lineker sem skoraði mark Englands í 2-1 tapinu gegn Maradona og félögum 1986. Que notícia triste. Eu perdi um grande amigo e o mundo perdeu uma lenda. Ainda há muito a ser dito, mas por agora, que Deus dê força para os familiares. Um dia, eu espero que possamos jogar bola juntos no céu. pic.twitter.com/6Li76HTikA— Pelé (@Pele) November 25, 2020 Reports from Argentina that Diego Armando Maradona has died. By some distance the best player of my generation and arguably the greatest of all time. After a blessed but troubled life, hopefully he’ll finally find some comfort in the hands of God. #RipDiego— Gary Lineker (@GaryLineker) November 25, 2020 Maradona gekkst á dögunum undir aðgerð vegna blóðtappa í heila. Dr. Leopoldo Luque, læknir argentínska fótboltasnillingsins, sagði í viðtali þann 5. nóvember að aðgerðin hefði gengið vel. „Hann hló, horfði á mig og tók í höndina á mér. Fyrstu viðbrögð eru jákvæð,“ bætti læknirinn við. Aðgerðin var framkvæmd á spítala í La Plata, fyrir utan höfuðborgina Buenos Aires. Til stóð að Maradona færi í kjölfar aðgerðarinnar í áfengismeðferð. Umdeildur karakter Hæfileikar Maradona voru óumdeildir en annað verður sagt um persónu hans og lífsstíl utan vallar. Hann féll á lyfjaprófi á HM í Bandaríkjunum 1994, þegar efedrín greindist í blóði hans, og var sendur heim með skömm. Áður, eða árið 1991, fékk hann 15 mánaða bann eftir að hafa orðið uppvís að neyslu kókaíns. Baráttan við kókaínfíknina setti dökkan svip á seinni hluta ferilsins. „Ég var og er mjög hamingjusamur. Fótboltinn gaf mér allt sem ég á, meira en ég hefði getað ímyndað mér. Hefði ég ekki átt við þessa fíkn að stríða hefði ég getað spilað mun meira,“ sagði Maradona í nýlegu viðtali í dagblaðinu Clarín. No one in football, at least in the last 40 years, reached the heights that Diego Maradona did. The joy, the drama, the talent, the controversy. This one hurts. pic.twitter.com/LESWbIHfDc— Roy Nemer (@RoyNemer) November 25, 2020 Maradona flutti heim til Argentínu í fyrra og tók við þjálfun Gimnasia de La Plata sem leikur í efstu deild. Um komuna heim sagði hann við Clarín: „Ég verð fólki ævinlega þakklátur. Hver dagur kemur mér á óvart, það sem ég hef upplifað frá því að ég sneri aftur í argentínska fótboltann mun ég aldrei gleyma. Það var betra en ég hefði getað ímyndað mér. Vegna þess að ég var lengi erlendis og stundum spyr maður sig hvort að fólkið haldi áfram að elska mann, hvort þeim líði áfram eins. Þegar ég sneri aftur á völlinn í Gimnasia daginn sem ég var kynntur fann ég að ást fólksins á aldrei eftir að hverfa.“ Þriggja daga þjóðarsorg Alberto Fernández, forseti Argentínu, hefur lýst yfir þriggja daga þjóðarsorg í landinu. Hann sagði: „Þú komst okkur á topp tilverunnar. Þú gerðir okkur óendanlega glöð. Þú varst sá merkasti af þeim öllum. Takk fyrir að hafa verið til, Diego. Við munum sakna þín alla okkar ævi.“ Argentína Andlát Fótbolti Andlát Diegos Maradona Mest lesið Segir nýju mennina hjá Liverpool ekkert hafa getað Enski boltinn Leeds - Tottenham 1-2 | Tottenham upp í annað sæti eftir sigur á Leeds Enski boltinn Amorim: Ekki að hugsa um að hætta Fótbolti Sjáðu glæsimörkin sem skiluðu Bournemouth upp í annað sætið Enski boltinn Kemi tilþrifin | Sjáðu harkalega byltu Arnórs Tristan Körfubolti Sigur í hjarta Muay Thai íþróttarinnar opnar margar dyr Sport Fékk yfir sig vatnsgusu: „Fagna þessu á Gus Gus á morgun“ Íslenski boltinn Dagskráin í dag: Fallslagur í Vesturbænum og enski í algleymingi Sport Keppa í fimleikum á netinu til að undirbúa sig fyrir HM Sport Upplifðu sigurstund Blika í návígi Fótbolti Fleiri fréttir Cecilía Rán hélt hreinu í sigri Inter Leeds - Tottenham | Hvað gera lærisveinar Frank á Elland Road? Upplifðu sigurstund Blika í návígi Amorim: Ekki að hugsa um að hætta Sjáðu glæsimörkin sem skiluðu Bournemouth upp í annað sætið Segir nýju mennina hjá Liverpool ekkert hafa getað Sjáðu mörkin sem tryggðu Blikum titilinn Fékk yfir sig vatnsgusu: „Fagna þessu á Gus Gus á morgun“ Semenyo í stuði og Bournemouth upp í annað sætið „Verðum nú að fagna þessu aðeins“ Ísak og félagar upp í fjórða sætið og endurkoma hjá Brynjólfi Uppgjörið: Breiðablik 3-2 Víkingur | Breiðablik Íslandsmeistari 2025 Diljá lagði upp í níu marka sigri Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Sjá meira
Argentínski knattspyrnukappinn Diego Armando Maradona er látinn sextugur að aldri. Maradona lést af völdum hjartaáfalls. Þriggja daga þjóðarsorg hefur verið lýst yfir í Argentínu. Maradona er af flestum talinn einn besti ef ekki besti knattspyrnumaður allra tíma. Hann varð heimsmeistari með Argentínu árið 1986 þar sem segja má að frægðarsól hans hafi skinið hvað skærast. Á mótinu sem fram fór í Mexíkó skoraði Maradona sín frægustu mörk, í 2-1 sigri á Englandi í átta liða úrslitum keppninnar. Hið fyrra með hendi, hendi guðs eins og hann sagði sjálfur. Hið síðara eftir mikinn einleik. Maradona leiddi argentínska landsliðið alla leið í úrslitaleikinn á HM á Ítalíu 1990. Segja má að hann hafi spilað á heimavelli í keppninni enda þáverandi leikmaður Napólí í samnefndri ítalskri borg í suðurhluta landsins. Með Napólí varð hann meðal annars tvívegis ítalskur meistari og vann UEFA-bikarinn. Hann er í guðatölu hjá félaginu sem hvorki fyrr né síðar hefur unnið ítalska meistaratitilinn. Nothing sums up Maradona better than the streets of Naples. Every working-class district has its homage to him, decades after he left Napoli. The People s Champ. pic.twitter.com/h59tfVqZBH— Ronan Burtenshaw (@ronanburtenshaw) November 25, 2020 Hann skoraði 34 mörk í 91 landsleik fyrir þjóð sína. Gerðist þjálfari Maradona spilaði með Argentinos Juniors, Boca Juniors, Napólí og Barcelona og átti aðdáendur um allan heim. Örvfætti smávaxni snillingurinn sneri sér að þjálfun síðar á ferlinum og stýrði meðal annars argentínska landsliðinu og landsliði Argentínu skipað leikmönnum yngri en tuttugu ára. Diego Maradona glaðbeittur í stúkunni á leik Argentínu og Íslands á HM í Rússlandi 2018.Getty/ Ian MacNicol Reyndar kom Maradona nokkuð víða við sem þjálfari félagsliða, í heimlandi sínu, Saudí Arabíu og Mexíkó, en entist yfirleitt ekki lengi í starfi. Fjölmargir minnast fallinnar knattspyrnuhetju, þeirra á meðal Pelé og Gary Lineker sem skoraði mark Englands í 2-1 tapinu gegn Maradona og félögum 1986. Que notícia triste. Eu perdi um grande amigo e o mundo perdeu uma lenda. Ainda há muito a ser dito, mas por agora, que Deus dê força para os familiares. Um dia, eu espero que possamos jogar bola juntos no céu. pic.twitter.com/6Li76HTikA— Pelé (@Pele) November 25, 2020 Reports from Argentina that Diego Armando Maradona has died. By some distance the best player of my generation and arguably the greatest of all time. After a blessed but troubled life, hopefully he’ll finally find some comfort in the hands of God. #RipDiego— Gary Lineker (@GaryLineker) November 25, 2020 Maradona gekkst á dögunum undir aðgerð vegna blóðtappa í heila. Dr. Leopoldo Luque, læknir argentínska fótboltasnillingsins, sagði í viðtali þann 5. nóvember að aðgerðin hefði gengið vel. „Hann hló, horfði á mig og tók í höndina á mér. Fyrstu viðbrögð eru jákvæð,“ bætti læknirinn við. Aðgerðin var framkvæmd á spítala í La Plata, fyrir utan höfuðborgina Buenos Aires. Til stóð að Maradona færi í kjölfar aðgerðarinnar í áfengismeðferð. Umdeildur karakter Hæfileikar Maradona voru óumdeildir en annað verður sagt um persónu hans og lífsstíl utan vallar. Hann féll á lyfjaprófi á HM í Bandaríkjunum 1994, þegar efedrín greindist í blóði hans, og var sendur heim með skömm. Áður, eða árið 1991, fékk hann 15 mánaða bann eftir að hafa orðið uppvís að neyslu kókaíns. Baráttan við kókaínfíknina setti dökkan svip á seinni hluta ferilsins. „Ég var og er mjög hamingjusamur. Fótboltinn gaf mér allt sem ég á, meira en ég hefði getað ímyndað mér. Hefði ég ekki átt við þessa fíkn að stríða hefði ég getað spilað mun meira,“ sagði Maradona í nýlegu viðtali í dagblaðinu Clarín. No one in football, at least in the last 40 years, reached the heights that Diego Maradona did. The joy, the drama, the talent, the controversy. This one hurts. pic.twitter.com/LESWbIHfDc— Roy Nemer (@RoyNemer) November 25, 2020 Maradona flutti heim til Argentínu í fyrra og tók við þjálfun Gimnasia de La Plata sem leikur í efstu deild. Um komuna heim sagði hann við Clarín: „Ég verð fólki ævinlega þakklátur. Hver dagur kemur mér á óvart, það sem ég hef upplifað frá því að ég sneri aftur í argentínska fótboltann mun ég aldrei gleyma. Það var betra en ég hefði getað ímyndað mér. Vegna þess að ég var lengi erlendis og stundum spyr maður sig hvort að fólkið haldi áfram að elska mann, hvort þeim líði áfram eins. Þegar ég sneri aftur á völlinn í Gimnasia daginn sem ég var kynntur fann ég að ást fólksins á aldrei eftir að hverfa.“ Þriggja daga þjóðarsorg Alberto Fernández, forseti Argentínu, hefur lýst yfir þriggja daga þjóðarsorg í landinu. Hann sagði: „Þú komst okkur á topp tilverunnar. Þú gerðir okkur óendanlega glöð. Þú varst sá merkasti af þeim öllum. Takk fyrir að hafa verið til, Diego. Við munum sakna þín alla okkar ævi.“
Argentína Andlát Fótbolti Andlát Diegos Maradona Mest lesið Segir nýju mennina hjá Liverpool ekkert hafa getað Enski boltinn Leeds - Tottenham 1-2 | Tottenham upp í annað sæti eftir sigur á Leeds Enski boltinn Amorim: Ekki að hugsa um að hætta Fótbolti Sjáðu glæsimörkin sem skiluðu Bournemouth upp í annað sætið Enski boltinn Kemi tilþrifin | Sjáðu harkalega byltu Arnórs Tristan Körfubolti Sigur í hjarta Muay Thai íþróttarinnar opnar margar dyr Sport Fékk yfir sig vatnsgusu: „Fagna þessu á Gus Gus á morgun“ Íslenski boltinn Dagskráin í dag: Fallslagur í Vesturbænum og enski í algleymingi Sport Keppa í fimleikum á netinu til að undirbúa sig fyrir HM Sport Upplifðu sigurstund Blika í návígi Fótbolti Fleiri fréttir Cecilía Rán hélt hreinu í sigri Inter Leeds - Tottenham | Hvað gera lærisveinar Frank á Elland Road? Upplifðu sigurstund Blika í návígi Amorim: Ekki að hugsa um að hætta Sjáðu glæsimörkin sem skiluðu Bournemouth upp í annað sætið Segir nýju mennina hjá Liverpool ekkert hafa getað Sjáðu mörkin sem tryggðu Blikum titilinn Fékk yfir sig vatnsgusu: „Fagna þessu á Gus Gus á morgun“ Semenyo í stuði og Bournemouth upp í annað sætið „Verðum nú að fagna þessu aðeins“ Ísak og félagar upp í fjórða sætið og endurkoma hjá Brynjólfi Uppgjörið: Breiðablik 3-2 Víkingur | Breiðablik Íslandsmeistari 2025 Diljá lagði upp í níu marka sigri Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Sjá meira