Hámhorfið fyrir Golden Globes er á Stöð 2+

Heimur Nicole og Hugh snýst á hvolf

The Undoing er dramaþrungin smásería úr smiðju HBO með Nicole Kidman og Hugh Grant í aðalhlutverkum. Nicole Kidman hefur leikið í stórmyndum á borð við Moulin Rouge þar sem hún kom áhorfendum á óvart með sönghæfileikum, en hún syngur einmitt upphafsstef þáttanna. Hugh Grant er ekki þekktur fyrir sönghæfileika en vakti þó verðskuldaða athygli fyrir söng sinn í myndinni Music and Lyrics, að ógleymdum mjaðmahnykkjum í takt.

Í þáttaröðinni leika þau vel stæð og virt hjón hvers líf virðist leika við þau þar til kona sem þau eru málkunnug finnst látin við dularfullar aðstæður. Heimur þeirra hjóna snýst á hvolf og vel falin leyndarmál koma upp á yfirborðið sem setur af stað atburðarrás sem flækir líf hjónanna svo um munar.

Nicole Kidman og Hugh Grant eru bæði tilnefnd fyrir leik sinn í þáttaröðinni og Donald Sutherland er tilnefndur fyrir frammistöðu sína í aukahlutverki, en auk þess er þáttaröðin tilnefnd sem besta smásería framleidd fyrir sjónvarp.

Slógu öll met í fyrra

Schitt's Creek sló öll met á Emmy verðlaunahátíðinni seinasta haust þegar þáttaröðin og leikarar fengu samtals níu verðlaun fyrir sína sjöttu og seinustu seríu. Hér er um að ræða vel heppnaða gamanþætti sem fjalla um Rose fjölskylduna sem þarf að aðlaga sig að nýjum lífsháttum þegar þau verða gjaldþrota og þau neyðast til að setjast að í bæjarfélagi sem alla jafna væri þeim ekki að skapi.

Með aðalhlutverk fara feðgarnir Eugene Levy og Dan Levy, en þeir leika einnig feðgana Johnny og David Rose í þáttunum. Annie Murphy fer með hlutverk dótturinnar Alexis Rose og Catherine O‘hara leikur móðurina Moira Rose en margir muna eflaust eftir henni sem Kate, móður Kevins í Home Alone.

Þau fjögur sem fara með aðalhlutverk þáttanna eru öll tilnefnd fyrir bestu frammistöðu leikara eða leikkonu. Einnig er þáttaröðin tilnefnd sem besta þáttaröðin í sínum flokki.

Stöð 2+ er efnisveita sem inniheldur mikinn fjölda af hágæða efni fyrir alla fjölskylduna. Þar er að finna yfir 1000 kvikmyndir og hátt í 500 þáttaraðir, m.a. úr smiðju HBO, BBC og ITV. Stöð 2+ er stærsta efnisveita landsins með íslenskt sjónvarpsefni. Nýtt efni bætist við á hverjum degi og þú horfir hvar sem er, þegar þér hentar.