Íslenska karlalandsliðið í körfubolta fékk að vita það í dag við hvaða þjóðir liðið spilar í haust en dregið var í dag í aðra umferð í forkeppni undankeppni HM 2023.
Ísland drógst í riðli með Svartfellingum og Danmörku en íslenska liðið kom næstsíðast upp úr sínum potti. Leikið verður á mili 11. til 28. ágúst en liðin mætast heima og að heiman.
E-riðill ~ Forkeppni að HM 2023
— KKÍ (@kkikarfa) April 28, 2021
Svartfjallaland
Danmörk
ÍSLAND
Leikið 11.-28. ágúst
Tvö efstu fara áfram sjálfa undankeppnina sem hefst í nóvember!
Áfram ÍSLAND! #korfubolti pic.twitter.com/wApq7WOyXU
Liðunum var skipt niður í þrjá styrkleikaflokka og úr þeim var síðan dregið í fjóra þriggja liða riðla.
Ísland var í síðasta styrkleikaflokknum og fékk því tvær sterkari þjóðir með sér í sinn riðil.
Tvær þjóðir komast áfram úr hverjum riðli (C, D , E og F) og tryggja sér með því sæti undankeppni HM 2023.
Þessar átta þjóðir sem komast áfram bætast við þær 24 sem komust í úrslitakeppni Eurobasket sem á að fara fram á næsta ári.
Riðlarnir líta svona út:
- Riðill C
- Svíþjóð
- Austurríki
- Portúgal
- -
- Riðill D
- Lettland
- Rúmenía
- Hvíta Rússland
- -
- Riðill E
- Svartfjallaland
- Danmörk
- Ísland
-
-
- Riðill F
- Norður Makedónía
- Sviss
- Slóvakía