Lýsa Ortega sem einræðisherra eftir handtökur á andstæðingum Kjartan Kjartansson skrifar 9. júní 2021 14:21 Daniel Ortega og eiginkona hans Rosario Murillo eru forseti og varaforseti Níkaragva. Þau hafa jafnframt komið helstu fjölmiðlum landsins í hendur barna sinna og tengdabarna. AP/Alfredo Zuniga Fulltrúi Bandaríkjastjórnar líkti Daniel Ortega, forseta Níkaragva, við einræðisherra eftir að ríkisstjórn hans lét handtaka fjórar framármenn úr stjórnarandstöðu landsins á hálfu sólarhring í gær. Fyrir höfðu tveir líklegir mótframbjóðendur Ortega í forsetakosningum í haust verið hnepptir í varðhald. Tveir þeirra sem voru handteknir í gær voru taldir líklegir til að bjóða sig fram til forseta gegn Ortega í nóvember. Ortega sækist eftir fimmta kjörtímabili sínu og því fjórða í röð. Hann lét afnema ákvæði í stjórnarskrá um hversu lengi forseti getur setið í embætti fyrir kosningar árið 2016. Ríkisstjórn hans leggur nú allt kapp á að ryðja helstu keppinautum hans úr vegi fyrir haustið. Fjórmenningarnir sem voru handteknir í gær eru allir sakaðir um að vinna gegn fullveldi og sjálfstæðis Níkaragva á grundvelli nýrra landráðalaga sem stjórn Ortega lét samþykkja í desember. Lögin gera stjórnvöldum kleift að banna fólki að bjóða sig fram til opinbers embættis ef þau telja það landráðamenn. Þá er hægt að dæma meinta svikara í allt að fimmtán ára fangelsi, að sögn breska ríkisútvarpsins BBC. Barinn og haldið á óþekktum stað Félix Maradiaga, fræðimaður og aðgerðasinni sem hugði að forsetaframboði, var handtekinn þegar hann yfirgaf skrifstofu ríkissaksóknara Níkaragva í gær. Þangað hafði hann verið boðaður í viðtal skyndilega. Rétt áður en hann var tekinn höndum sagði Maradiaga að hann hefði verið yfirheyrður í fjórar klukkustundir í tengslum við félagasamtök um efnahagsmál sem hann stýrði eitt sinn. Hann hafi verið spurður hvort hann hefði tengsl við fíkniefnahringi og hvort hann hefði farið fram á að Bandaríkjastjórn legði refsiaðgerðir á Níkaragva í tíðum heimsóknum sínum þangað. Maradiaga sagðist hafa óskað eftir refsiaðgerðum gegn embættismönnum sem hefðu framið glæpi gegn mannkyninu, ekki níkaragvösku þjóðinni, að sögn AP-fréttastofunnar. Lögmaður Maradiaga segir að lögreglumenn hafi barið hann þannig að hann bólgnaði í andliti við handtökuna. Honum sé nú haldið á óþekktum stað. Juan Sebastián Chamorro, hagfræðingur og líklegur forsetaframbjóðandi, og José Adán Aguerri, annar hagfræðingur eru nú í haldi lögreglu en Violeta Granera, félagsfræðingur og stjórnarandstæðingur, í stofufangelsi á heimili sínu. Í síðustu viku handtóku yfirvöld þau Christiönu Chamorro sem hafði þá rétt lýst yfir framboði til forseta og Arturo Cruz, fyrrverandi sendiherra í Bandaríkjunum og líklegan forsetaframbjóðanda. Chamorro er enn í stofufangelsi en dómari úrskurðaði Cruz í þriggja mánaða gæsluvarðhald í gær. Félix Maradiaga var líklegur forsetaframbjóðandi stjórnarandstöðunnar. Hann var handtekinn fyrir utan skrifstofur ríkissaksóknara þar sem hann hafði verið yfirheyrðu í fjórar klukkustundir.AP/Alfredo Zuniga Alþjóðasamfélagið komi fram við Ortega sem einræðisherra José Miguel Vivano, forstöðumaður Mannréttindavaktarinnar í Ameríkunum, segist aldrei hafa séð aðrar eins aðfarir og þær sem stjórn Ortega viðhafi nú gegn stjórnarandstæðingum í þrjátíu ár. Alþjóðlegra aðgerða sér þörf til að stöðva Ortega. Eftir að Maradiaga var handtekinn tísti Julie Chung, sendifulltrúi Bandaríkjastjórnar gagnvart Rómönsku Ameríku, að enginn þyrftu lengur að velkjast í vafa um hvort að Ortega væri í raun einræðisherra eftir gerræðislegar handtökur á stjórnarandstöðuleiðtogum undanfarna daga. „Alþjóðasamfélagið hefur ekki um annað að velja en að koma fram við hann sem slíkan,“ tísti hún. Presidential candidate Felix Maradiaga s arbitrary arrest- the 3rd Nicaraguan opposition leader arrested in 10 days - should resolve any remaining doubts about Ortega s credentials as a dictator. The international community has no choice but to treat him as such.— Julie Chung (@WHAAsstSecty) June 8, 2021 Ortega hefur verið forseti samfellt frá 2006 og á þeim tíma hefur hann safnað öllum völdum í landinu á sínar hendur. Gerði hann Rosario Murillo, eiginkonu sína, að varaforseta þrátt fyrir að hún hafi aldrei verið kjörin til opinbers embættis. Murillo lýstu stjórnarandstöðuleiðtogunum handteknu sem „hryðjuverkamönnum“ og „glæpamönnum“ í gær. Fjölskylda Ortega og aðrir leiðtoga í Sandínistahreyfingunni hafa einnig makað krókinn sem var ein af ástæðum harðra mótmæla gegn stjórn Ortega frá 2018 til 2018. Öryggissveitir hans drápu þá hundruð mótmælenda. Upphaflega leiddi Ortega vinstrisinnuðu skæruliðasveitina sandínista og steypti einræðisherranum Anastasio Somoza Debayle af stóli árið 1979. Ortega tapaði í fyrstu lýðræðislegu forsetakosningunum sem voru haldnar eftir byltinguna árið 1990. Sú sem bar sigurorð af honum var Violeta Chamorro, móðir Christiönu sem Ortega hefur nú fangelsað. Níkaragva Bandaríkin Tengdar fréttir Líklegir mótframbjóðendur Ortega fangelsaðir Tveir líklegir frambjóðendur stjórnarandstöðunnar í Níkaragva til forsetakosninga í haust sitja nú í haldi stjórnvalda í því sem stjórnarandstaðan kallar herferð ríkisstjórnar Daniels Ortega forseta til að skapa ótta á meðal fólks. Þriðji mögulegi frambjóðandinn hefur verið kallaður til skýrslutöku hjá saksóknara. 8. júní 2021 11:15 Mest lesið Búningsklefar minna á fatagám: „Þetta mun aldrei breytast, því miður“ Innlent Á leið til Suður-Afríku með syni sína í meðferð vegna úrræðaleysis Innlent Umferð stýrt eftir að ekið var á grindverk á Austurvegi Innlent Leigubílstjóri grunaður um stórfellda líkamsárás rekinn Innlent Farþegi á bak og burt þegar björgunaraðilar mættu Innlent Nýkjörinn bæjarstjóri alvarlega særður eftir stunguárás Erlent Diljá hlustaði á Bítið með tárin í augunum Innlent Óánægja með stjórnarandstöðu í hæstu hæðum Innlent Ekki áfellisdómur yfir kerfinu að farið sé með börn í meðferð í Suður-Afríku Innlent Þriðjungur telur sumarfrí grunnskólabarna of langt Innlent Fleiri fréttir Súdanskur uppreisnarleiðtogi sakfelldur fyrir stríðsglæpi Nýkjörinn bæjarstjóri alvarlega særður eftir stunguárás Fá Nóbelinn fyrir rannsóknir sínar á sviði skammtafræði Tvö ár liðin frá árásum Hamas á Ísrael Vill vita hvað Úkraínumenn vilja gera við bandarískar stýriflaugar Hæstiréttur hafnar Maxwell Stofna rannsóknarnefnd um Afganistan sem Íslendingar kölluðu eftir Gretu Thunberg og félögum vísað úr landi Gisèle Pelicot aftur í réttarsal Fá Nóbelinn fyrir ónæmisrannsóknir sínar Bein útsending: Hver fær Nóbelsverðlaunin í læknisfræði? Forsætisráðherra Frakklands segir af sér Viðræður um frið á Gasa hefjast í dag Nýskipaðri ríkisstjórn þegar hótað vantrausti Stórtap Air Greenland vegna aflýstra flugferða til Nuuk Tæplega þúsund manns innlyksa á Everest Látinn eftir skotárás í Kaupmannahöfn Sögð vafin í ísraelska fánann og veifað um eins og verðlaunagrip Fjögurra manna fjölskylda meðal látinna Sendir þjóðvarðliðið til Chicago Segja stutt í samkomulag en sprengjum rignir enn Skoðanabróðir Orbans og Fico vinnur kosningar í Tékklandi Þrjátíu særðust í drónaárás á farþegalest Fjöldi án rafmagns vegna vonskuveðurs í Noregi Þrettán ára grunaður um aðild að skotárás Var að streyma á TikTok þegar hann féll til jarðar og lést Loftárásir í kjölfar ákalls Trumps Flogið á ný í München eftir mögulegt drónaflug Skipar Ísraelum að hætta að sprengja Hamasliðar tilbúnir að sleppa gíslum og láta völd af hendi Sjá meira
Tveir þeirra sem voru handteknir í gær voru taldir líklegir til að bjóða sig fram til forseta gegn Ortega í nóvember. Ortega sækist eftir fimmta kjörtímabili sínu og því fjórða í röð. Hann lét afnema ákvæði í stjórnarskrá um hversu lengi forseti getur setið í embætti fyrir kosningar árið 2016. Ríkisstjórn hans leggur nú allt kapp á að ryðja helstu keppinautum hans úr vegi fyrir haustið. Fjórmenningarnir sem voru handteknir í gær eru allir sakaðir um að vinna gegn fullveldi og sjálfstæðis Níkaragva á grundvelli nýrra landráðalaga sem stjórn Ortega lét samþykkja í desember. Lögin gera stjórnvöldum kleift að banna fólki að bjóða sig fram til opinbers embættis ef þau telja það landráðamenn. Þá er hægt að dæma meinta svikara í allt að fimmtán ára fangelsi, að sögn breska ríkisútvarpsins BBC. Barinn og haldið á óþekktum stað Félix Maradiaga, fræðimaður og aðgerðasinni sem hugði að forsetaframboði, var handtekinn þegar hann yfirgaf skrifstofu ríkissaksóknara Níkaragva í gær. Þangað hafði hann verið boðaður í viðtal skyndilega. Rétt áður en hann var tekinn höndum sagði Maradiaga að hann hefði verið yfirheyrður í fjórar klukkustundir í tengslum við félagasamtök um efnahagsmál sem hann stýrði eitt sinn. Hann hafi verið spurður hvort hann hefði tengsl við fíkniefnahringi og hvort hann hefði farið fram á að Bandaríkjastjórn legði refsiaðgerðir á Níkaragva í tíðum heimsóknum sínum þangað. Maradiaga sagðist hafa óskað eftir refsiaðgerðum gegn embættismönnum sem hefðu framið glæpi gegn mannkyninu, ekki níkaragvösku þjóðinni, að sögn AP-fréttastofunnar. Lögmaður Maradiaga segir að lögreglumenn hafi barið hann þannig að hann bólgnaði í andliti við handtökuna. Honum sé nú haldið á óþekktum stað. Juan Sebastián Chamorro, hagfræðingur og líklegur forsetaframbjóðandi, og José Adán Aguerri, annar hagfræðingur eru nú í haldi lögreglu en Violeta Granera, félagsfræðingur og stjórnarandstæðingur, í stofufangelsi á heimili sínu. Í síðustu viku handtóku yfirvöld þau Christiönu Chamorro sem hafði þá rétt lýst yfir framboði til forseta og Arturo Cruz, fyrrverandi sendiherra í Bandaríkjunum og líklegan forsetaframbjóðanda. Chamorro er enn í stofufangelsi en dómari úrskurðaði Cruz í þriggja mánaða gæsluvarðhald í gær. Félix Maradiaga var líklegur forsetaframbjóðandi stjórnarandstöðunnar. Hann var handtekinn fyrir utan skrifstofur ríkissaksóknara þar sem hann hafði verið yfirheyrðu í fjórar klukkustundir.AP/Alfredo Zuniga Alþjóðasamfélagið komi fram við Ortega sem einræðisherra José Miguel Vivano, forstöðumaður Mannréttindavaktarinnar í Ameríkunum, segist aldrei hafa séð aðrar eins aðfarir og þær sem stjórn Ortega viðhafi nú gegn stjórnarandstæðingum í þrjátíu ár. Alþjóðlegra aðgerða sér þörf til að stöðva Ortega. Eftir að Maradiaga var handtekinn tísti Julie Chung, sendifulltrúi Bandaríkjastjórnar gagnvart Rómönsku Ameríku, að enginn þyrftu lengur að velkjast í vafa um hvort að Ortega væri í raun einræðisherra eftir gerræðislegar handtökur á stjórnarandstöðuleiðtogum undanfarna daga. „Alþjóðasamfélagið hefur ekki um annað að velja en að koma fram við hann sem slíkan,“ tísti hún. Presidential candidate Felix Maradiaga s arbitrary arrest- the 3rd Nicaraguan opposition leader arrested in 10 days - should resolve any remaining doubts about Ortega s credentials as a dictator. The international community has no choice but to treat him as such.— Julie Chung (@WHAAsstSecty) June 8, 2021 Ortega hefur verið forseti samfellt frá 2006 og á þeim tíma hefur hann safnað öllum völdum í landinu á sínar hendur. Gerði hann Rosario Murillo, eiginkonu sína, að varaforseta þrátt fyrir að hún hafi aldrei verið kjörin til opinbers embættis. Murillo lýstu stjórnarandstöðuleiðtogunum handteknu sem „hryðjuverkamönnum“ og „glæpamönnum“ í gær. Fjölskylda Ortega og aðrir leiðtoga í Sandínistahreyfingunni hafa einnig makað krókinn sem var ein af ástæðum harðra mótmæla gegn stjórn Ortega frá 2018 til 2018. Öryggissveitir hans drápu þá hundruð mótmælenda. Upphaflega leiddi Ortega vinstrisinnuðu skæruliðasveitina sandínista og steypti einræðisherranum Anastasio Somoza Debayle af stóli árið 1979. Ortega tapaði í fyrstu lýðræðislegu forsetakosningunum sem voru haldnar eftir byltinguna árið 1990. Sú sem bar sigurorð af honum var Violeta Chamorro, móðir Christiönu sem Ortega hefur nú fangelsað.
Níkaragva Bandaríkin Tengdar fréttir Líklegir mótframbjóðendur Ortega fangelsaðir Tveir líklegir frambjóðendur stjórnarandstöðunnar í Níkaragva til forsetakosninga í haust sitja nú í haldi stjórnvalda í því sem stjórnarandstaðan kallar herferð ríkisstjórnar Daniels Ortega forseta til að skapa ótta á meðal fólks. Þriðji mögulegi frambjóðandinn hefur verið kallaður til skýrslutöku hjá saksóknara. 8. júní 2021 11:15 Mest lesið Búningsklefar minna á fatagám: „Þetta mun aldrei breytast, því miður“ Innlent Á leið til Suður-Afríku með syni sína í meðferð vegna úrræðaleysis Innlent Umferð stýrt eftir að ekið var á grindverk á Austurvegi Innlent Leigubílstjóri grunaður um stórfellda líkamsárás rekinn Innlent Farþegi á bak og burt þegar björgunaraðilar mættu Innlent Nýkjörinn bæjarstjóri alvarlega særður eftir stunguárás Erlent Diljá hlustaði á Bítið með tárin í augunum Innlent Óánægja með stjórnarandstöðu í hæstu hæðum Innlent Ekki áfellisdómur yfir kerfinu að farið sé með börn í meðferð í Suður-Afríku Innlent Þriðjungur telur sumarfrí grunnskólabarna of langt Innlent Fleiri fréttir Súdanskur uppreisnarleiðtogi sakfelldur fyrir stríðsglæpi Nýkjörinn bæjarstjóri alvarlega særður eftir stunguárás Fá Nóbelinn fyrir rannsóknir sínar á sviði skammtafræði Tvö ár liðin frá árásum Hamas á Ísrael Vill vita hvað Úkraínumenn vilja gera við bandarískar stýriflaugar Hæstiréttur hafnar Maxwell Stofna rannsóknarnefnd um Afganistan sem Íslendingar kölluðu eftir Gretu Thunberg og félögum vísað úr landi Gisèle Pelicot aftur í réttarsal Fá Nóbelinn fyrir ónæmisrannsóknir sínar Bein útsending: Hver fær Nóbelsverðlaunin í læknisfræði? Forsætisráðherra Frakklands segir af sér Viðræður um frið á Gasa hefjast í dag Nýskipaðri ríkisstjórn þegar hótað vantrausti Stórtap Air Greenland vegna aflýstra flugferða til Nuuk Tæplega þúsund manns innlyksa á Everest Látinn eftir skotárás í Kaupmannahöfn Sögð vafin í ísraelska fánann og veifað um eins og verðlaunagrip Fjögurra manna fjölskylda meðal látinna Sendir þjóðvarðliðið til Chicago Segja stutt í samkomulag en sprengjum rignir enn Skoðanabróðir Orbans og Fico vinnur kosningar í Tékklandi Þrjátíu særðust í drónaárás á farþegalest Fjöldi án rafmagns vegna vonskuveðurs í Noregi Þrettán ára grunaður um aðild að skotárás Var að streyma á TikTok þegar hann féll til jarðar og lést Loftárásir í kjölfar ákalls Trumps Flogið á ný í München eftir mögulegt drónaflug Skipar Ísraelum að hætta að sprengja Hamasliðar tilbúnir að sleppa gíslum og láta völd af hendi Sjá meira
Líklegir mótframbjóðendur Ortega fangelsaðir Tveir líklegir frambjóðendur stjórnarandstöðunnar í Níkaragva til forsetakosninga í haust sitja nú í haldi stjórnvalda í því sem stjórnarandstaðan kallar herferð ríkisstjórnar Daniels Ortega forseta til að skapa ótta á meðal fólks. Þriðji mögulegi frambjóðandinn hefur verið kallaður til skýrslutöku hjá saksóknara. 8. júní 2021 11:15