Ó­heppnin eltir Verratti á röndum: Frá næstu vikurnar vegna meiðsla

Eftir að hafa hjálpa Ítalíu að vinna Evrópumótið í sumar hefur Verratti átti erfitt uppdráttar vegna meiðsla. Hann meiddist enn á ný í markalausu jafntefli PSG og Marseille um helgina og nú er ljóst að hann verður frá næstu fjórar vikurnar.

Mun hinn 28 ára gamli miðjumaður því missa af landsleikjum Ítalíu egn Sviss og Norður-Írlandi sem og leikjum gegn Lille í frönsku úrvalsdeildinni. Þá verður Verratti ekki leikfær er PSG mætir RB Leipzig og Manchester City í Meistaradeild Evrópu.

Jákvæðu fréttirnar fyrir Parísarliðið eru þær að Sergio Ramos getur byrjað að æfa á nýjan leik í vikunni. Það er þó enn eitthvað í að hann geti spilað sinn fyrsta leik fyrir félagið. 

Ramos hefur ekkert spilað í þrjá mánuði vegna meiðsla á kálfa. Hann gekk í raðir PSG frá Real Madríd í sumar en hefur hingað til þurft að horfa á leiki li