Handbolti

Gunnar Gunnarsson: Engin illska eða neitt í þessu

Björgvin Helgi Hannesson skrifar
Gunnar Gunnarsson var sáttur með sigur liðsins í kvöld.
Gunnar Gunnarsson var sáttur með sigur liðsins í kvöld. Vísir/Hulda Margrét

Gunnar Gunnarsson þjálfari Hauka var ánægður með sitt lið eftir sigur á HK í Kórnum í kvöld. Hauka stelpur voru töluvert betri í fyrri hálfleik en gáfu aðeins eftir í seinni hálfleiknum en unnu þó leikin að lokum 27-30.

„Ég er mjög þakklátur að fá tvö stig. Liðin voru á sama stað í deildinni og annar leikurinn sem við vinnum gegn HK. Mér fannst við gera þetta óþarflega spennandi í seinni hálfleiknum,” sagði Gunnar.

Í fyrri hálfleiknum fékk Berglind Benediktsdóttir beint rautt spjald fyrir brot á Valgerði Ýr

Þorsteinsdóttur sem var borin af velli.

„Ég bara sá þetta ekki nógu vel. Þetta er tækling, svo er afleiðingin og það er dæmt eftir því. Þetta var bara mjög leiðinlegt og óheppilegt, engin illska eða neitt í þessu,” sagði Gunnar.

Spurður út í framhaldið sag[i Gunnar að stigin í kvöld hafi verið kærkomin þar sem að liðið eigi erfiða leiki framundan.

„Smá pása núna sem við munum nýta okkur vel en svo eigum við tvo erfiða leiki við Fram og KA/Þór þannig það er gott að fá tvö stig í kvöld,“ sagði Gunnar að lokum.

Olís-deild kvenna Haukar

Tengdar fréttir

Leik lokið: HK - Haukar 27-30 | Mikilvægur sigur Hauka

Haukakonur unnu í kvöld mikilvægan þriggja marka sigur gegn HK er liðin mættust í Olís-deild kvenna, 27-30. Liðin voru jöfn að stigum í fjórða og fimmta sæti fyrir leikinn, en Haukakonur sitja nú einar í fjórða sætinu, tveimur stigum á eftir Íslandsmeisturum KA/Þór.

Mest lesið


Fleiri fréttir

Sjá meira


×

Mest lesið