Brendan Rodgers: „Ég veit ekki einu sinni hvaða keppni þetta er“

Eins og áður segir verður Leicester í pottinum þegar dregið verður í útsláttakeppni Sambandsdeildarinnar þar sem liðið getur bara mætt liðum sem lentu í öðru sæti riðlanna í Sambandsdeildinni.

Brendan Rodgers segist hins vegar ekki vita hvað Sambandsdeildin er.

„Ég verð að vera hreinskilinn og ég veit ekki einu sinni hvaða keppni þetta er,“ sagði Rodgers í samtali við BT Sport eftir tapið í gær.

„Ég var að einbeita mér að Evrópudeildinni og að reyna að vinna riðilinn þar. Að minnsta kosti að lenda í öðru sæti. En ég er viss um að ég kemst bráðlega að því hvaða keppni þetta er.“